ছড়াঃ বিজবিজিদি

0
27

ছড়াঃ বিজবিজিদি

আলোময় চাকমা

জুম্ ফাং গোল্লুঙগোই দোগিন্ ধাক্যা,
বেক্কান্ রোদচলা।
নাক্কোনো বুগোছাজ্ হি গত্ত’,
সেত্তমান্ ছাজদলা।

এ বজর যুনি ন’ পারং বাহনে,
ঘুচ্যে, সুধো, ধান্।
পাত্তুঙ্ নয় সালে হন’ বজর,
গদা জিংহানিআন্।

গরম্ গরম্ ছেইয়্য মাধাত্,
ছিদিলে গমদালে।
হেনে ন’ পারে বেগুন্-মুরিচ
বাহনে, চাং সালে।

পত্তি বজর বিজবিজিদি,
আধিক্ যত্তনে।
হুবোত্ থবে হবর ন’ পাহচ্,
ন’ হুলোয় ঘরানে।

অক্ত এলে নেগেলে দ্যোচ্,
উদি বোজোস্যা বিজি।
হেবার ছহলাত্ আহবিলাস্ হাস্,
হবাল্ মাধিত্ ঘুজি।

মুরিচ্ বিজি থবে, হাদি পেজত্,
বেগুন্ বিজি হবঙত্।
আর’ থোচ্ছোই চ্যে ভুদিবানি,
চুমোপাব আ লুদুঙত্।

LEAVE A REPLY

Please enter your comment!
Please enter your name here