“অঘাহ্ জুম্মো” ( চাকমা কবিতা )

0
40

“অঘাহ্ জুম্মো”

আলোময় চাকমা

হাত্তুন্ হন্যাঁ আগে আগে,
আগাব জাগা তোগে তোগে…
দোল্ দোল্ হালহুলে জাগা ছাড়ি।
হি হব’ সুঞ্জুক্ ন’ ফুদিলে,
রাণীআত্, চাদিগাং ফেলে,
ইক্কে মোনে মোনে, রুখ্যাঙত্ আগি পুড়ি।

মোন্ মুড়ো ভুঙিঁ ভুঙিঁ,
থিদো নিয়া জাগা-পানি।
হি গরানা সুঞ্জুক্ ন’ ফুদিলে ইয়ো… (ইজো)
তেহ্ বহ্ ন’ হেলে পরানর,
দুষ পরে জাগানর….
সেক্কে হোই, আগা সুজো আগা সুজো।

জনমত্ ন’ ওল বিদ্যে-বুদ্ধি,
হুদু দবাহাধি, হুদু উত্তিপুত্তি।
তবরক্ তবরক্, লরানায় মরানা সং জীংহানি।
সেনে আমার এ গুদি,
ধেবার নাঙেঁ লগে ভুদি।
ধাবাহ্ মাঞোঁর মুরিচবাত্যা, হিয়ে পেল’ ভাত-পানি।

ন’ নিঘিল্ল’ মানেয়র চিন্দেবাচ্,
ন’ চুলিল’ হোনো হাজ্।
অঘাহ্ জুম্মো, ঝাড়বো ঝাড়বো ঘোরবো ঘোরবো।
পিত্থীমিত্ বাজি থেবার চেলে,
এই হাচ্যত্তানি বোদোলে…….
আমাত্তুন্ এক্ ইক্কো ও পুরিবো লোড়বো!!!

২৫/১০/২০১৫

LEAVE A REPLY

Please enter your comment!
Please enter your name here