সুঘো দেঘা নেই…. ( চাকমা কবিতা )

0
43

সুঘো দেঘা নেই….

আলোময় চাকমা

মুড়ো লামি মুড়ো উধি…..
……ভাঁর ন’ হরে কানাত্তুন্,
…… দুখ্ ন’ হরে মনত্তুন্।
হধক্ পারে আধি আধি।

এক্ ভাজ্যা হলাছড়া…..
…..কয়বো পা টেঙাঁ।
…..জিনিসপাদি উয়ে মংঘাহ্,
ভাগ্ গল্লে করাহ্ করাহ্।

দ্বিশত টেঙাঁ টানি টুনি…….
…..যাজি দিলুঙ্ বাঙাল্লোরে।
…..হক্কে এনেই আর’ আছ্যা ধরে,
কয় কিত্তেন্দি দিই পারে টেঙাঁ গুনি।

চিজিক্কো মা’বো ভালকদিন্ ধুরি….
……ছারা দেদে লাক্কো মাজ্,
…… হাবে ন’ পারঙর ইক্কো ছাজ্
তাক্কানত্ এক্কান্ ফুরোয় নুও গুরি।

চিজিক্কো থেব’ আহ্ গুরি….
….. যুনি ভেলে হোচ্ পাং,
…… বাজার’ বেগ’ লাম্বা হুচ্ছেলান্,
আর’ নেজে দিদুঙ্ ভেলে বাঙুরি।

জিনিসপাদি মোলে মোলে….
….. বাজার ভঙং উত্তোর-দোগিন্,
….. হুবোন্ থোনেই হুবোন্ কিনিম্।
হুবোন্ নেজেম্ হুবোন্ ফেলে।

সুঘোর কোনো দেঘা নেই…..
…… ভাত ন’ রুজে পহরাজে,
…… ইন্দি সাজেরুক্ সাজে।
চের আঙুল্যে কবালত্,
দুঃখে বাদে সুখ্ নেই!!!

১৪/১০/২০১৫

LEAVE A REPLY

Please enter your comment!
Please enter your name here