জাগুলুক্ মন্….. ( চাকমা কবিতা )

0
42

জাগুলুক্ মন্…..

আলোময় চাকমা

বন্ ফরাহ্ নয়, মন্ ফরাহ্…….
ভাবনাত্ লামং নীজিরেদ,
জাপুলুক্ মনান্ মর সেত্তেরাহ্।

ছলঙে নয়, বানাহ্ মনানে……..
পিত্থীমির সাল্লেঙত্ ভয়ঁঙগোই,
পত্থমে নয় বো স্ববনে।

ভাঙাঁচোড়া ঈধোঘর……….
মকতবা উয়ন্ ঠেল্যাথক্,
উধি ন’ পারে ন’ ছুয়ায় ভর।

আধ্ দি চাং পুচ্ছে পুচ্ছে……..
লেবেরা-ঝেভেরা ঈধোঘর’ মাজারা,
উয়ে বেক্কানি লিপ্যেপুচ্ছে।

ভাবনার শেঝ্ নেই, ভাবনা………..
দেজনেই মানেওর,
লাদি-ভুক হে তরানা।

রাজ্ পধত্ তোগে বেড়াং, জুমো মাজারা….
এগা পধে যাধে যাধে,
পধত্ অয় দজরাহ্।

বন্ ফরাহ্ নয়, মন্ ফরাহ্…….
আধি বেড়াং নীজিরেদ,
জাগুলুক্ মনান্ মর সেত্তেরাহ্।

১৩/১০/২০১৫

LEAVE A REPLY

Please enter your comment!
Please enter your name here