হনে হুধু  ( চাকমা কবিতা )

0
42

  হনে হুধু

আলোময় চাকমা

হনে হুধু আগ’ হিজেনি……….
পর’ ভাজে আভিলেশ হেই,
নিজ’ ভাজে নাঙঁ নেই।
বোইযার আমাবেগর মুয়োনি।

হাঁ সাম্বাদ হন্যাঁ লর…..
টেঙাঁ-পয়জা ধনে জনে,
বিল্ডিং বাহনর মনে মনে।
হন চোঘেদি পহর দেঘর।

পিত্থীমির বেক জাত্তুনে মিলি………
থান্ ন’ দেদন আমারে,
ইউনিকোড’ (Unicode) সমারে।
মরাজাত্, মরাভাচ্ ভিলি।

নাঙেঁ বেলে চাংমা জাত্…………..
ন’ পারি চাংমা লেঘা,
চাল-চলনে ন’ যায় দেঘা,
নিজ’ ধক্ নিজ’ মাত্।

ছাহপ ছাহপ তারা হধা……….
নাঙেঁ আঘি হামে নেই।
ছলঙ্ আঘে পরান নেই।
অবং হমলে, হেনে জধাহ্।

এ’জনা আর একবার ভাবী………..
পিত্থীমিত বাজি থেবার,
সুবুল জাত হোলেবার,
এগামনে, এগাচিত্তে জুবি।

২৯/০৯/২০১৫

LEAVE A REPLY

Please enter your comment!
Please enter your name here