ন’ তাঙ’রনা ( চাকমা কবিতা )

0
44

ন’ তাঙ’রনা

আলোময় চাকমা

ভালকদিন ধুরি,
আধ্ ন’ পরের জুমানত।
নানাঘান কামে পুরি,
জাগুলুক মনানত্।

নিবিলি ওই গেল,
পধ’ পাজারা।
পোইদ্যাত নেই ভেল্,
হুজো মাজারা।

সাঙুয়ান রিঝাঙত্,
বানাহ্ আগে আবুজি।
রোদ-ঝড় হরানত,
মকতবায় যার পুজি।

তাগ’লগত ফেজা ভুদি,
আগে ভহল্ এক্কন।
বান্দরর যে গুদি,
ন’ পারে হাক্কন।

লদক ধদক বাজেই ঘর,
ঠেল্যাথক ঊজুরী।
ধ্যেন্ দগার বানুনর,
গেলাক এভহল্ পুজিরি।

হুচ্ দ’ ন’ পরের,
হাঙাড়াঁ হক্ পা জুমানত।
হিচ্চু আর ন’ উধের,
বান সজ মনানত।

১১/০৮/২০১৫
জুম, জুমান = জুম, কাম’ বাক।
পোইদ্যা = হুচ দিবার জাগা।
মকতবা = টেম্পার যানা।
ভেল্, ভহল্, এভহল্ = অহলে, হয়ত।
ধ্যেন্ দগা = হুজি দগা, নুয়ো বাজ’ দগা।
পুজিরি = বিরি যানা, পুরপুচ্যা ওই ছিনি যানা।

LEAVE A REPLY

Please enter your comment!
Please enter your name here