ভাবর নি? ( চাকমা কবিতা )

0
47

ভাবর নি?

আলোময় চাকমা

পাগে ওক বা বে’পাগে ;
রদবল যেক্কন আগে।
গায় গায় ওক বা সমাজ্যা লগে ;
হাদর দ’ দিন ঈলে ঈলে বিলে বিলে।
হি গুরিলে বসহালে ;
হানিলে না আঝিলে।
বিদিযিয়া দিনুন হেনে গঙেলে ;
যেক্কে হজকহাজাক গুরিবেক আধুঘিলে,
গুনিচেচ্চোই, হুলোন্নি আঙুঁলে।

লাজ-ডর নেই হাররে ;
বাঘে ন’ পেবাক লড়েলে।
সেনে তর পিজেদি ঘিলা!
বিঞ্যাঁ হেলে বিল্লা চেলা।
বিল্লা হেলে বিঞ্যাঁ চেলা।
ত’ ভাজে বসহাল্যা সুখ ;
মানে জিংহানিত আলাঝালা।

যেক্কে এবাক গাঙহুলে হুম-হুত্তি ;
তালাস লবে জ্ঞেদি গুত্তি।
হিচ্চু ন’ থেব’চ্যা উত্তি পুত্তি।
হা হবর হন্যাঁ লর ;
ইন্দি তুই দিন গুনর।
ধনে শুন্যঁ, বলে য়িন ;
ঘনাঘুঞ্যাঁ অবাক দিন।
হি গুরিবে সেক্কেনে???

যুনি মুরিযাচ একবুক চিদেলোই ;
স্বয়ং বর্মা গুজি ললেও…..
সেক্কে তর বুক্কো পুড়ি যেদ’ নয়!!!

২৯/০৭/২০১৫

LEAVE A REPLY

Please enter your comment!
Please enter your name here