যে আঝি ( চাকমা কবিতা )

0
36

যে আঝি

আলোময় চাকমা

মনত্ আবরে থেবার বাজি ;
কোচ্ পেব’পা যে আঝি।
চেলে এজ’ ম’ লগে………
টাউনর মিয়াঁ ছাড়ি।
হামাক্কায় চেবার চেলে ;
বিল্ডিং, ধামানা ঘর ফেলে,
নাঙেঁল্, রিঝাঙ্, জুমো পথ ধুরি।

যিধু……,
ঝেলাং ঝেলাং উজু বেড় ;
অ’ভেদর অ’সায়র ছের।
চাবারা ভাঙাঁর তালি উরে তালি।
উজু সুরুঙ্ মজা ঘর ;
ফদাংতাং বেল’ পহর।
বুইয়ারান্ থায় আমিজে দুওমিলি।

সিধু………,
নিউরি নিউরি গমে যেচ্ ;
ন’ অলে ধুচ্ হেবে চেস্।
রিনি চেবে হুদ্দুর সাজি।
সিধু গেলে দেঘিবে ;
লাজে-ডরে মিজেয়ে,
দেবংশি সুদোমে সাজিয়ে।
মন্ জুরোনি, পরান্ জুরোনি,
নাগরর মিধে আঝি।
যে আঝি………,
মনত্ আবরে জীংকানিত্ থেবাক্ বাজী।
২১/০৭/২০১৫
দেবংশি সুদোমে = প্রাকৃতিক নিয়মে।

LEAVE A REPLY

Please enter your comment!
Please enter your name here