মর লাঙোনী ( চাকমা কবিতা )

0
28

মর লাঙোনী

আলোময় চাকমা

চুলেমূলে লাচ্যা হুল্ ;
পোড়া ঘুত্যা কিয়া রং।
মুজুঙো দাত্ ইক্কোও নেই ;
আর’ নেইদি চোগো বং।

আধ্ ঠেঙাঁনি লিত্তিঙ্ লিত্তিঙ্ ;
উত্তান্ চেলে ধোলিয়া।
যেন্, বুদু ছিনা শুগুরিগুলো ;
হিয়োই নেই মোলিয়া।

বুনোহাদায় পাঙগা ;
কোনো কাম্ বাগি নেই।
দিয়েল্যা সুধোনাল্ পাদাস্যা গুরি ন’ পারে ;
পিনে পুরিবো কিনিনেই।

মরিচ্ দিলে অলোদ্ ন’ দে ;
সিদোল্ দিলে নুন্।
কোই ন’ ফুরোয় সেদক্ আগে ;
মর লাঙোনীর গুন্।

মনান্ তার ভারী দোল্ ;
চোখ্ পিজিনে রিনি চায়।
দিন্নো এলে য়াজার পুরোয় ;
পর’ হুত্তুরি মাধি পায়।

মাঞোঁ নাঙেঁ এলাফেলা ;
মুই তা নাঙেঁ রাধামন্।
তারে লোম্বোই হামাক্কায় ;
জীংকানি মনলে পাদারি অং।।।

০৮/০৭/২০১৫

LEAVE A REPLY

Please enter your comment!
Please enter your name here