ঈধোত্ উধে ( চাকমা কবিতা )

0
34

ঈধোত্ উধে

আলোময় চাকমা

দোগিন্ দোরি মোন্ ঘরান্ ;
এলায় বাজে বুইয়ারান।
কুদু আগচ্ মর পরান্ ;
ঈধোত্ উধের দিন্ মাধান্।

নাগে কুচকুচ্ ত’ ভুজি ;
রিনি চায়দি চোখ্ পিজি।
তাত্তুন্ তরে বো নিবার ;
পুরোন্ ছিনে বান্ দিবার।
কদক্ আওচ্ মনানত্।
উড়ি পোলুঙগি সে হেনত্।
আওজো আঝা মাদি ওল্ ;
সেনে মরে বেজার ওল্।

ত’ মা-বাবে কোচ্ পেদাক্ ;
কিচ্ছু ফেলে ন’ খেদাক্।
কদক্ সুগোর জীংকানি ;
অক্ত বেঅক্ত তোন্ রানি।
রুজোক্ ন’ রুজোক্ ভাত্ পানি।
কদ’ কধায় সাজ্ গুঙিঁ।
হরা হরা বিগুনো কুজি ;
সিদোল্ দলা দিধে ফুঁজি।
উধোত্ মূয়োত্ আগে বাজী ;
কুদু গেলাক্ দিনুন্ আঝি।।।

ভাদ’ মাস্যা ক’জুর সান্ ;
কাদেবার কধা জীংকানিয়ান্।
কন্ বৈজাগর বড় ব’ ঝড়ত্ ;
গাজ্ ভাঙীঁলাক্ সংসারত্।
কালা পিগিরা, কালা দেন্ ;
দেজত্ সমেলাক্কি অজিরেন্।
গোদা দেশ্চানত্ হিলহিলেই ;
ভুজুংভাজুং ভিলভিলেই।
দোদোক্যা গুন ছ’ চোগোত্ পুরি ;
অলিব্ ন’ গুরি তরাতাঙুরি।
তুলি নিলেক্ আত্ত্যার’ মুয়োত্ ;
দশশিরে রাবনা সানগুরি।।।

০৬/০৭/২০১৫
*গুন্ ছ’ = জুমো চিন্দ্রা ফল্।

LEAVE A REPLY

Please enter your comment!
Please enter your name here