কোবিদ্যার (লামার) বাঈনি ( চাকমা কবিতা )

0
31

কোবিদ্যার (লামার) বাঈনি

আলোময় চাকমা

কাবিল্ কাবিদাঙর একবুক্ স্ববনর ;
কিজু র’, কিজু অহরক্ ভাচজরা দেনা।
সে অহরকলোই মন’ কধার,
দেবংশি ভাবনানি…. ।।
ফুল্ছড়াত্ য়ালী গাধে ;
কিজু উম্ উম্ বঃনিঝাস্ মিজাল্ দেনা।
সিবেরে কোই লামা।।।

তর হিরিমিরি হেলালীলা সয়সাগর।
চোখ্ নেই দেগচ্।
কান্ নেই শুনচ্।
আধ্ নেই পিত্থীমিয়েন্ ত’ মুধোত্।
পেঠ্ নেই পিত্থীমিয়েন্ ত’ পেদত্।
ঠেঙ’ নেই আধি পারচ্।
তুই কানেই পারচ্।
তুই আঝেই পারচ্।
তুই মারিয়্য পারচ্।
তুই বাজেয়্য পারচ্।

চিয়োম্যা মনত্ সাহস্ বানিদোজ্,
বানিদোজ্ বুক্ য়াজার রাঙাঁ স্ববনে।
বুগোপাদা ভাঙীঁদোজ্ গাবুরোমনত্,
বলবলা স্ববনানি ফেরেদোজ্ বঃনিঝাজে!!!

ঘর’ মানুচ্ পর গুরি দোচ্ ;
*ছুরকাবোজ্ দোচ্ আধত্ তুলি।
বেক্কুনরে একজধায় আনিও পারচ্ ;
এক্ সুধোনালে গাধে তুলি।
যুনি অচ্ ইক্কুয়া দোল্ কোবিদ্যা (লামা)।।।

০৪/০৭/২০১৫

LEAVE A REPLY

Please enter your comment!
Please enter your name here