ফুদোন্দি মন্ ( চাকমা কবিতা )

0
39

ফুদোন্দি মন্

আলোময় চাকমা

উদোন্দি বজত্ ফুদোন্দি মন্ ;
উড়ি বেড়ায় আমীক্কন্ ।
পত্তাপুত্তি সান্ দুয়ো মিলি ;
*গারেঞ্যাঁ মঝা ধক্ ধুলি ধুলি।
হুদু যায় মন্ পরান্ ;
ন’ মাধি, ন’ বুলি।।।

উলুগোভুঁই, দুঙুলো হের ;
ঘুরি বেড়ায় অজার পিত্থীমি,
যুনি পেলে এক্কা ছের।
নিত্য গঙেঁ দুমুরী ;
লাজ, ডর সুমুরি।
মনান্ চায় পাজিবের ;
আঝিবের, নাজিবের।।।

*ছলঙান্ থায় গুধিছেরে ;
মনান্ বেড়ায় বেক্ পাদারে।
স্ববনে, পত্থমে, সপ্পানে….
গীত্ গায় মনানে।
দুখ্ দরপ্ ন’ জানে।
কি দোল্ উদোন্দি বজসান্ ;
যেন্, মিধে মিধে পেগো র’,
পহঁত্যা ফুলো পাগোরান্।।।
২৮/০৬/২০১৫
*গারেঞ্যাঁ মঝা= গারেঞ্ ঘরত্ থান্নে মঝা। গারেঙ্ = যে ঘরানি জিরেবার, বা কাম্ আয় পেবাত্তে দুরো কাম’ বাগত্ তুলন্, সিয়েনিরে কয়দি গারেঙ্, বাজে, হামার ঘর।
২*ছলঙান্ – পরানান্ বাদে বানাহ্ কিয়াগান্।

LEAVE A REPLY

Please enter your comment!
Please enter your name here