বারিজের এ দিনোত্ ( চাকমা কবিতা )

0
30

বারিজের এ দিনোত্

আলোময় চাকমা

বারিজার এ দিনোত্ ;
জুরো জুরো বুইয়ারত্।
*লেবাঙ্ দিয়া কুজি ধান’ পাদানী।
কাপ্ কাপ্ নাজিযার ;
দুরোত্ বাজীঁ র’ শুনাযার।
ঈধোত্ উদের তরে হোচপানার পরানী।

তেদের তেদের দেবা ঝড় ;
ইত্তুক্ ইত্তুক্ বেল’ পহর।
ইজোরোর দোগোনোত্ হবঙান্ ভিজিযার।
মোনো মাধাত্ হুয়োনি ;
হুদু আগজ পরানী।
ও পরান্, মর এ মনান্ কানিযার।

২*লাচ্যা গাজত্ একজুর হ’ ;
যেন্ উড়িবার নেই ভ’।
থেক্ নেই ঝড় দের দেবাবো।
পহনত্তুন্ ওলুঙ্ হুলুক্ ;
মনান্ মর জাগুলুক্।
থেক্ হে হে দুরোত্ ডগরের কবাবো।

মোনো পিদিত্ ঘরানি ;
ঈধোত্ উদের পরানী।
কাদেয়েই চানাভুরোত্, চোগেচোখ্ একরিনি।
মন’ কধা সয়সাগর ;
খুলি হুয়েই দিনভর।
ঈধোত্ উদে, যুনি এজে বারিজার ঝড়ানি।।।

২৭/০৬/২০১৫
*লেবাঙ্ – রাদাঁ কুরোর পুনত্ লাম্বা ফোর।
২*লাচ্যা – যে গাজত্ পাদা নেই।

LEAVE A REPLY

Please enter your comment!
Please enter your name here