ভাবনার রাধামন্-ধনপুদি ( চাকমা কবিতা )

0
36

ভাবনার রাধামন্-ধনপুদি

আলোময় চাকমা

মুই হঙর ভিলি কাররে ন’ হোচ্ ;
সিধেনর *ঝাপ্পান্ থক্ দি থোচ্।
পিবির পিবির বুইয়ারানি ;
লগে ছত্রং ফুলর তুমবাচ্চানি।
যুনি থায় তর আওচ্ ;
ত’ কিয়েত্ গুলি লোচ্।

নানান্ ফুলর তুমবাচঅ রুক্ ধুরি ;
জুরো জুরো বুইয়ারর পিদিত্ চড়ি।
সে বুইয়ারর আগায় আগায় ;
ভাবী লোচ্, মুই গায় গায়।
জুচ্ জুচ্ গুরি ত’ কায় ;
এম্ চ্যা মুই হামাক্কায়।।।

ছত্রং ফুলর তুমবাচ্ পেলে ;
ভাবীলোচ্ মনে মনে তুই…
পুড়ি আগচ্ ম’ করত্ ;
খারা হঙর ত’ চুলানিলোই মুই।
চোগে চোখ্ এক্ রিনি…
কন’ জোপ্ নেই মূয়েনদি।।।

শিরো পানিয়ে ভিজি গেলে যোক্ ;
রেত্ নীঝি অবারলাক্ ওক্।
বাচ্চে থেবে ঝাপ্ তুলি ;
আল্যাঙ্ মনর দোর খুলি।
যুনি ভাবচ্ মরে রাধামন্ ;
তরে ভাবচ্ যুনি তুই ধনপুদি।।।

১৯/০৬/২০১৫
*ঝাপ্ – বুইয়ার আ পহর ছমবার ডাঙর কানার ঢাগুনি। নাদি পারে খুলি পারে।

LEAVE A REPLY

Please enter your comment!
Please enter your name here