আল্ নেই (চাকমা কবিতা)

0
19

আল্ নেই

আলোময় চাকমা

*কুদুগী সরকার ;
জু তোগেইয়া **দালাল্ ।
ফুজুফুজু ভুজুভুজু ;
মুরে মুরে ভেলবাল্।
উজু সুরুঙ্ জুম্মো ;
বানাহ্ গঙাঁদন্ দিন্নো…
কার’ পাগত্ ন’ থুরির,
অকুল্ দোজ্যাত্ সাজুরির।
নেইআল্ নেইআল্ !!!

মুরে মুরে ধুরে ধুরে ;
ত’ জাগাত্, ম’ জাগাত্।
সমাদন্দি চে সমাদন্দি,
সুরবুদি ধারাদিয়েল্যা,
পোইনাল্ পোইনাল্!!!
দিনেরেদে ফদাদন্ ;
মরদন্দে কি কম্ ।
জেদায় থেবার জাগা নেই ;
ছাগা দেদন্ নিত্য,
ইন্দি উন্দি চবাশাল্!!!

আমি মুরির ভেইয়ে ভেইয়ে ;
কেনা ধ’ ন’ যিয়ে।
জুয়োঞ্যাঁবো বুড়ো ওল,
পুড়িযার বসকাল্।
এন্ ইক্কো দিন্ এব’,
আধ্ ঠেঙ্ বানী,
উভোদ্ পুন্দুরি টাঙিঁ,
শিরে নেই ***মাধালালোই,
ঠিকঠিগেই ঠিকঠিগেই..
দিবঙগোই সেক্কেনে,
ফালুক্ ফালুক্ মরাফাল্!!!
*কুদুগী – চালাক্।

১৯/০৫/২০১৫
**দালাল-যিন্দি হে পান্ সিন্দি যান্,
দুলাগোষ্টি।
***মাধালা- শিরে বাদে তলেদি কত্তাবো।

LEAVE A REPLY

Please enter your comment!
Please enter your name here