স্ববন দেগধে কোচপাঙ
ম্য্যকলিন চাকমা
স্ববন বিজিরেঙ,
নিবুল্যার মুরোল্যা হেনত।
স্ববন বিজিরেঙ,
পাদা ঝরি যেইয়্যা ফাগুনোর বয়েরত।
স্ববন বিজিরেঙ,
আহ্ঝার পানি ফুদোই মিজিইয়্যা সরবাঙ
বড়গাঙত।
স্ববন বিজিরেঙ,
পোড়া কবাল্যার ঘাবে ধচ্যা মনত।
স্ববন বিজিরেঙ,
আগাত্যা চাদারাত,আগাত্যা কাধাবন,রিজেঙত।
স্ববন বিজিরেনা মর কাম
পইল্যা অক্তত সেনে স্ববন পোল্যান নাঙ
কলাঙ।
–
যেইক্যা গঙ্যাত্যা পহ্ধত দ্বি হূচ বাহ্ভাঙ্,
পিরল্যা পাঝ পরান গজক গরন
গগলা গরন ম’ মুরোল্যার নাঙে।
সেইক্যা অনঝুর নিগুজে স্ববন বিজিরেঙ
মুরোল্যা মানেয়র মনত আবুঝি।
স্ববন দেগধে কোচপাঙ,স্ববন দেগাধে কোচপাঙ
সেনে অক্ত অক্ত কাবিল অন গচ চদুরি দাঘি,
ফাগুনোত গদেল গরবা পেগে গরচ গালন
মর স্ববন গঙাদে দেঘি।
পিঝুম জাগে সেমে ফুলর,
নাঙ বাঝ গুরিবার ধারাজে নুও জনম লয় গাঝ।
মুই স্ববন দেগঙ, স্ববন দেগাঙ আহ্ওঝে।
–
মুই সেদাম বলা গামা নয়,
হালিক স্ববন ওল মর সেদাম গামা।
