ধনপুদিরে ফুল বকশিচ্­­

1
63

এক পুনং রেদোত্ চাঁনর পহ্’রে পিত্তিমীআন যেক্কে আহ্ঝের সেক্কে তরুনো গাবুরী ধনপুদি এক্কু নহ্-চিন্যে ফুলর কত্থা আহ্দত্ লোই তার লাঙ্যা রাধামনরে তগার। তা মনান সে ফুল্লোর দোল-এ আ তুম্বাজে উভোলফাল। সেধক্যেন দোল আ গম ফুল‌ তার এক্কু লাগিবু। এ মুলুগর ঝাকবাঝা(শ্রেষ্ঠ) গাবুচ্ছে রাধামন। তে বাদে কন্না আনি দিবূ আই এ ফুল্লো ধনপুদিরে? ধনপুদি মনে মনে তারে কোচপাই। এ পুনং রেদোত্ তা মনান আর’ এক্কানত্তেই ছৎফত্যে।

তে শুন্যেদে কন্ এক যুদো আদামর মদ’ খুর গাবুচ্ছে আদিধন না আদিচরনে ভিলি তারে লবাত্তে পাগল। ধনপুদির বাপ জয়মঙ্গল আ মা কপুদি তারে আদিচরনত্তে বৌ দিবার চান্। ঈক্কুনু এ বিবত্তানত্তুন বানা রাধামনে ধনপুদিরে উদ্ধোর গরি পারিবুদে। রাধামনে বানা ধনপুদির লাঙ্যা নয়, তে গোদা রেজ্যর গাবুচ্ছেউনর মধ্যে ঝাক-বাঝা বলি(বীর)।

সেনত্তে তে রাধামনরে ছাড়া আর কাররে কোচ্ নহ্ পাই‌। ধনপুদি রাধামনরে তগেই নহ্ পেনে পত্থম গেল’ তারা আত্যে চলাবাপইধু। চলাবাবে আদামর মাধাঝুদো(কার্বারী) অহ্’লেও তার নাদিনউন্দোই ঠেদেলাং ঠেদেলাং চলাচলি আ রঝর কধার থুম নেই।

চলাবাবে ধনপুদিরে আওল্-পাওল্ দেঘি বুঝি পাচ্ছি তে রাধামনরে তগার। মাত্তর তে ধনপুদিরে লালি মাচ্যে গরি কল’
– “লুগোনি, ইত্তুন যেদেগোই।খাক্কে ত নানু (চলা মা) এলে লরা খেবে দ! ” ধনপুদি সিয়ান কান্ ন পাদি কল’
– “আজু, এচ্চি মা’ জুমত্তুন ফিরদে এ ফুল্লো পেদেই আন্যেদে। ফুল্লো কিয়োই নহ্ চিনন্, ফুল্লো নাঙান্ কি নাঙ্? “

ধনপুদির মন’ ভাপ্পান বুঝি পারিনে চলাবাবে নাদিন্নু লঘে চলিবাত্তে পোইলেদি সে ফুল্লো নাঙান্ কবাত্তে নহ্ চেল’। তে সে ফুল্লো নহ্ চিনেদে ধক্ গরি রল’। মাত্তর তার নাদিন ধনপুদির কানানি, নোনেয়্যা কোজহ্লি থরি ন পারি কল’
– ”নাদিন, ইবে অহ্’লদে এক্কু ঝাক-বাঝা(সেরা) ফুল। এ ফুল্লো নাঙান্ নাকশাফুল। গাবুর’ কালত্ এ ফুল্লো যে নহ্ পাই তা জীংকানিআন আইত্ত্যে((বৃথা)। গাবুর’ লক্খে ত নানুত্তেই ধজ্যে(সাগর) পাড়র গাঝত্তুন কধক এ ফুল আনি দোংগোই। তমার কবাল্ খরাপ। তমাত্তেই কন’ গাবুচ্ছেই ফুগংতলী দ্যমুরহ্ পার হো্ই ধজ্যে পাড়র গাঝত্ ফুত্যে এ ফুল আনি দিদাক্কোই নয়। ”

এ কধানি চলাবাবে যেক্কে কোই ফুরেল’ চাই-দে ধনপুদি আর সিয়োত্ নেই। তে সে নহ্-চিন্যে ফুলর নাঙান খবর পেনেই রাধামনরে তগা লাম্যে। সেক্কে তার চুল ঝুদোবুত গুজেয়ে এল’ নাকশাফুলর কত্থান।

 

যে রেদোত্ ধনপুদি রাধামনরে তগার সে রেদোত্ রাধামনেও ধনপুদিরে ছৎফত্যে গরি তগার। আদিক্যা ধনপুদিরে আহ্’রায় ভিলি তা মনত্ ডর অহ্ই‌য়ে। তেও শুন্যেদে কন্না ভিলি তা বুগত্তুন ধনপুদিরে কারিহ্ নিবার চাদন্।

সেক্কে ভাঝা দি কধক্ নিজেনি(স্মৃতি) তা মনত্। তে আ ধনপুদি একলঘে দাঙর অহ্য়োন। দিনে দিনে ধনপুদি দোলান্ বারিহ্ যার। গোদা রেজ্যত্ তগেলেও ধনপুদি সান্যেন দোল দোল মিলে এক্কুও চোঘোত্ পত্ত নয়। রাধামনর চিদোত্ আ মনত্ বানা ধনপুদি, ধনপুদি বানা ধনপুদি। সে পুনং রেদোত্ আবাদা গরি ধনপুদি রাধামনরে সুপ্ পেল’গোই। সে যেরে শুরু অহ্’ল ধনপুদির কোজহ্লি-মোজহ্লি। বেগ’ যেরে তার কোজহ্লি থরি ন পারি রাধামনে এগেম্ গল্ল সে ফুল্লো আনি দিব’গোই ভিলি। সেক্কে তেহ্ তা লাঙোনী ধনপুদি খুঝিয়ে তিন ফাল্ মারিলু। খালিক রাধামনে এধক্ জুৎ গরি(সহজে) তা কধা রাঘে নহ্ পারে।

তে এচ্চি যেম্ কেল্যা যেম্ গরি র‌ল’। সে বঝর ধনপুদির আর চুল ঝুদোত্ নাকশাফুল গজানা ন অহ্’ল। ঈন্দি আদিচরনর লঘে তার মেলার পুর-ঘাত্ ঠিক-ঠাক অহ্ইয়ে। সেনে দি লাঙ্যা-লাঙোনীর মনত্ ফারক অহ্’নার দুঘোর ছাবা লামি এল’। এঝান দুঘো দিনোত্ একদিন তারা আর’ চিগোন কালর, খারুচ্ছে অক্থর, গাবুর কালর সমার-সমারী কুন্জধন-কুন্জবি‌, মেয়েধন-মেয়েবি, ছেয়েধন-ছেয়েবি, ফুঝকধন-ফুঝকবি, নিলংধন-নিলংধন-নিলংবি­ আ কামেচধন-কামেচবি দাঘিরে লোনেই ভালক দুরর মুড়ো জুমত্ গেলাক।

সিত্তুন গেলাক আর’ দুরোর তারুম ঝারত্, রিঝেং-তানঝাঙত্ ঝার’ তোনপাত্ তগেবাত্তে আ চিগোন ছড়াত্ লুইলোই মাচ্ ধরিবাত্তে। সেক্কে এল’দে চোত্ মাহ্চ্, ফুলো অক্থ। আবাদা গরি ধনপুদির লুইআনত্ ভাঝি উদিলু সে নহ্-চিন্যে ফুলর পাঘোর, নাকশা ফুলর। ধনপুদির মনত্ নুও গরি শুরু অহ্’ল সে ফুল্লো পেবার ধারাচ্। এ ফুল্লো তার খামাক্কাই লাগিবুই লাগিবু।

তে আওল্-পাওল্ ওহ্ই নাকশাফুল পাড়ি আনি দিবাল্লোত্তেই বেরে-কুরেই ধরিলু রাধামনরে। রাধামনে কল’-

"এ ফুলুন ধজ্যা পাড়র কন' গাঝত্ ফুত্যন্দে অহ্'বদে। অহ্'লে বোয়েরর ঝলগাত্ এ ফুলো 
পাঘোরানি
উড়ি এযি গাঙ' পানিত্ পড়ি ইধু ভাঝি এচ্ছি। এ ফুল দ কাইকুরে কন'কিত্যে নেই। "

ভালক্কানি কধা কোই রাধামনে ধনপুদিরে অলর গল্ল। সে জেরে তারা একদিন লত্ দিলাক দুরোত ভালক দুরোত। যাদে যাদে তারা লুমিলাক্কোয় ফুগংতলী দ্যমুরাহ্ তারেহ্ঙত্। শুরু অহ্ল লাঙেল বেই মুরোহ্ উগুরে উধানা। এক্কু মুরোহ্ত্ উধিলে আরেক্কু মুরোহ্ দেঘা যাই। সেক্কে দুরোত গরি তারা আদামানরে ছবি সান্নেন দোল দেঘা যার।

এক সময় তারা মুরোহ্ বেই চুগত্ উধিলাক্কোয়। সেক্কে পঝিমেদি চা’নায় চোঘত্ পরিলু থুম নেইয়ে, কুল নেইয়ে অমাহ্ ধোজ্যা। সেক্কে কিদিরিঙ্ তুবোলুনে ধোজ্যা পারত্ আবর খাদন। আর সে দিঘোল ধোজ্যা পারর ধাগত্ মুরোহ্ লেজাত্ অজল গাঝে গাঝে ফুদি আঘন কি দোল নাকশাফুল! কি দোল তারার ধুপ ধুপ পাঘোর। আর দোল ওহ্লোদ্যা রঙর ঘুঞ্যা (রেণু) ফুলর বুগত্। ধনপুদির গাবুর মনানে ধারাজে মাত্তল ওহ্ই উধিলু।

 

রাধামন ধনপুদি
রাধামন ধনপুদি

                                                       বিঝুর উচ্ছো-ফুচ্ছো

এক সময় তারা মুরাত্তুন তলে লামি এলাক। ফুলুন বেক্কুন ভালক উগুরে। সেক্কে সাজঞ্যা। রাধামনে ধোজ্যা পারত্তুন এক্কা দুরোত পানি সংমধ্যা যিয়ত্ পানি কিঝু কম, সিয়ত্ গাচ্ আ বাঁচ্ দিনেয় এক্কু ভুর বানে দি ধনপুদিরে সিয়ত্ রাঘে আর’ তে পারত্ ফিরি এল। ফিরি এনেয় তে ধোজ্যার দিঘোল পার বেই পত্থম ফুল গাচ্ছুর তলে এল।

সে জেরে তে গাচ্ছুত্ উধা ধল্ল। গাচ্ছুর এক্কু ধেলা যেইয়ি পারত্তুনও দুরোত্ গরি ধোজ্যার কিত্থেদি। সে ধেলাবুত্ ফুত্যন্দ ঝাকবাঝা (সেরা) নাকশাফুল। এচ্চি তে সে ধেলাবত্তুন ধনপুদিত্তে ফুল পারি আনি দিনেয় তার এগেম পুরন গরিবু। সে মাধানত্ কুত্থুন যেন্ এল এক দেবংসি কধা- এচ্চি যুনি তে ধনপুদিত্তে সে ধেলাবুর আগাথ্যা ফুলুন ছিনে সালেন এচ্চি তার মরন অহ়ব।

ইনদি, ভুরত্ বাচ্ছে থেইয়ে ধনপুদির মনত্ও সে ভাপ্পান জাগিলু সেনে ধনপুদ্ তারে কল’- “পরান দা, লামি আই। ত সান্নেন ফুল থাক্কে জগদত্ অন্য ফুল নহ্ চাঙ্ আর”। এচ্চি রাধামনে দরহ্-মরহ্ এগেম গচ্ছি, জিংকানি যুনিও যাই তুও তে ধনপুদিত্তে সে ফুলুন পারি আনি দিনেয় তার এগেম পুরন গরিবু। সেক্কে ঝলগা বোয়েরে ফুলুন সুমুত্তো সে ধেলাবু দুহ়লের, সে লঘে দুহ়লের রাধামনর লাঙ্-মেয়ে মনানও, অহ্য় ফুল, নয় মরন!

এক পুনং রেদোত্ চাঁনর পহ্’রে পিত্তিমীআন যেক্কে আহ্ঝের সেক্কে তরুনো গাবুরী ধনপুদি এক্কু নহ্-চিন্যে ফুলর কত্থা আহ্দত্ লোই তার লাঙ্যা রাধামনরে তগার। তা মনান সে ফুল্লোর দোল-এ আ তুম্বাজে উভোলফাল। সেধক্যেন দোল আ গম ফুল‌ তার এক্কু লাগিবু। এ মুলুগর ঝাকবাঝা(শ্রেষ্ঠ) গাবুচ্ছে রাধামন।

তে বাদে কন্না আনি দিবূ আই এ ফুল্লো ধনপুদিরে? ধনপুদি মনে মনে তারে কোচপাই। এ পুনং রেদোত্ তা মনান আর’ এক্কানত্তেই ছৎফত্যে। তে শুন্যেদে কন্ এক যুদো আদামর মদ’ খুর গাবুচ্ছে আদিধন না আদিচরনে ভিলি তারে লবাত্তে পাগল। ধনপুদির বাপ জয়মঙ্গল আ মা কপুদি তারে আদিচরনত্তে বৌ দিবার চান্।

ঈক্কুনু এ বিবত্তানত্তুন বানা রাধামনে ধনপুদিরে উদ্ধোর গরি পারিবুদে। রাধামনে বানা ধনপুদির লাঙ্যা নয়, তে গোদা রেজ্যর গাবুচ্ছেউনর মধ্যে ঝাক-বাঝা বলি(বীর)। সেনত্তে তে রাধামনরে ছাড়া আর কাররে কোচ্ নহ্ পাই‌। ধনপুদি রাধামনরে তগেই নহ্ পেনে পত্থম গেল’ তারা আত্যে চলাবাপইধু। চলাবাবে আদামর মাধাঝুদো(কার্বারী) অহ্’লেও তার নাদিনউন্দোই ঠেদেলাং ঠেদেলাং চলাচলি আ রঝর কধার থুম নেই।

চলাবাবে ধনপুদিরে আওল্-পাওল্ দেঘি বুঝি পাচ্ছি তে রাধামনরে তগার। মাত্তর তে ধনপুদিরে লালি মাচ্যে গরি কল’

– “লুগোনি, ইত্তুন যেদেগোই। খাক্কে ত নানু (চলা মা) এলে লরা খেবে দ! ” ধনপুদি সিয়ান কান্ ন পাদি কল’ – “আজু, এচ্চি মা’ জুমত্তুন ফিরদে এ ফুল্লো পেদেই আন্যেদে। ফুল্লো কিয়োই নহ্ চিনন্, ফুল্লো নাঙান্ কি নাঙ্? “

ধনপুদির মন’ ভাপ্পান বুঝি পারিনে চলাবাবে নাদিন্নু লঘে চলিবাত্তে পোইলেদি সে ফুল্লো নাঙান্ কবাত্তে নহ্ চেল’। তে সে ফুল্লো নহ্ চিনেদে ধক্ গরি রল’। মাত্তর তার নাদিন ধনপুদির কানানি, নোনেয়্যা কোজহ্লি থরি ন পারি কল’-

”নাদিন, ইবে অহ্’লদে এক্কু ঝাক-বাঝা(সেরা) ফুল। এ ফুল্লো নাঙান্ নাকশাফুল। গাবুর’ কালত্ এ ফুল্লো যে নহ্ পাই তা জীংকানিআন আইত্ত্যে((বৃথা)। গাবুর’ লক্খে ত নানুত্তেই ধজ্যে(সাগর) পাড়র গাঝত্তুন কধক এ ফুল আনি দোংগোই। তমার কবাল্ খরাপ। তমাত্তেই কন’ গাবুচ্ছেই ফুগংতলী দ্যমুরহ্ পার হো্ই ধজ্যে পাড়র গাঝত্ ফুত্যে এ ফুল আনি দিদাক্কোই নয়। ”

এ কধানি চলাবাবে যেক্কে কোই ফুরেল’ চাই-দে ধনপুদি আর সিয়োত্ নেই। তে সে নহ্-চিন্যে ফুলর নাঙান খবর পেনেই রাধামনরে তগা লাম্যে। সেক্কে তার চুল ঝুদোবুত গুজেয়ে এল’ নাকশাফুলর কত্থান।

রাধামন ধনপুদি
রাধামন ধনপুদি

রাধামনে ঝিমিদত্ ধনপুদিত্তে একজুর নাকশাফুল ছিনানার লঘে সে দেবংসি কধান ফলি গেল। সে ধেলাবুত্ লুগি থেইয়ি এক্কু সাপ রাধামনরে খুদানায় ধেলাবত্তুন উরি পল্লগোয় ধোজ্যাত্। আর ধোজ্যাত্ পরানা অক্থত ধনপুদির উদিঝে কল’- “পরানি, এ জিংকানিত্ আর তল্লোয় মর জদন ন অহ়ল। বিদেয়, পরানি বিদেয়।

” ধনপুদি রাধামনর কিজেগ’ লঘে এ কধা শুনি আ ধোজ্যাত্ পরানা দেঘি খিজেচ্চি ধোজ্যাত্ ঝাম দিনেয় রাধামনরে বুগত্ আজা গরি সাজুরিনে পারত্ নেযেল। রাধামনর সাব’ খুত্যা জাগানত্ ঝারর পাদা-লাদা লাগেনেয় গোদা রেত্তু সেবা যত্তন গরে আ দেবেদাউনত্তুন রাধামন’ জিংকানিত্তে তবনা গরি তারে বাজে তুলিলু। সেক্কেও মুচ্ছো যেইয়ি রাধামনর মুধোত্ ধচ্চি এল দিভে নাকশাফুল! গোদা রেত্তু রাধামনে ধনপুদির কহ়রত্ চেদন নেই গরি এল। ধোজ্যা পানি আ ঝারর দারুআনিলোয় গাইরে গাই বিচ্ (বিষ) লামি গেল।

সে জেরর দিনত্ পোহ্ত্যা যেক্কে তে গম ওহ্ই চোক মেলিলু সেক্কে দেঘিলু উগুরেদি অঝার মেলাহ্ আগাচ্, মুজুঙেদি দিঘোল এক করল্যা চরর ধোজ্যা পার, দুরোত্ অভেদর এহ়ল্ পানির ঝিলিক আ কেয়ে বাচ্ছি আঘে সে দোল মিলে ধনপুদি। রাধামনে ভারি ধারাজর ফুলুন ধনপুদির আহ্দত্ তুলি দিলু। তারা যেক্কে আদামত্ ফিরিলাক সেক্কে চেরোকিত্তে বিঝুর উচ্ছো-ফুচ্ছো। বেক্কুনি দেঘিলাক, ধনপুদির চুলঝুদোত্ গুজেয়ে সর্গত্তুন পারি আন্যাহ্ পারা দোল নাকশাফুল।

রাধামন ধনপুদি
রাধামন ধনপুদি
ধনপুদির চুলঝুদোত্ গুজেয়ে নাকশাফুল

 


লেখকঃ সুগত চাকমা (ননাধন)

অনুবাদঃ সুজন চাকমা

ছবি: ফেসবুক পেইজ- Chakma Artist Gallary

1 COMMENT

  1. এক পুনং রেদোত্ চাঁনর পহ্’রে পিত্তিমীআন যেক্কে আহ্ঝের সেক্কে তরুনো গাবুরী ধনপুদি এক্কু নহ্-চিন্যে ফুলর কত্থা আহ্দত্ লোই তার লাঙ্যা রাধামনরে তগার। তা মনান সে ফুল্লোর দোল-এ আ তুম্বাজে উভোলফাল। সেধক্যেন দোল আ গম ফুল‌ তার এক্কু লাগিবু। এ মুলুগর ঝাকবাঝা(শ্রেষ্ঠ) গাবুচ্ছে রাধামন।

    তে বাদে কন্না আনি দিবূ আই এ ফুল্লো ধনপুদিরে? ধনপুদি মনে মনে তারে কোচপাই। এ পুনং রেদোত্ তা মনান আর’ এক্কানত্তেই ছৎফত্যে। তে শুন্যেদে কন্ এক যুদো আদামর মদ’ খুর গাবুচ্ছে আদিধন না আদিচরনে ভিলি তারে লবাত্তে পাগল। ধনপুদির বাপ জয়মঙ্গল আ মা কপুদি তারে আদিচরনত্তে বৌ দিবার চান্।

    ঈক্কুনু এ বিবত্তানত্তুন বানা রাধামনে ধনপুদিরে উদ্ধোর গরি পারিবুদে। রাধামনে বানা ধনপুদির লাঙ্যা নয়, তে গোদা রেজ্যর গাবুচ্ছেউনর মধ্যে ঝাক-বাঝা বলি(বীর)। সেনত্তে তে রাধামনরে ছাড়া আর কাররে কোচ্ নহ্ পাই‌। ধনপুদি রাধামনরে তগেই নহ্ পেনে পত্থম গেল’ তারা আত্যে চলাবাপইধু। চলাবাবে আদামর মাধাঝুদো(কার্বারী) অহ্’লেও তার নাদিনউন্দোই ঠেদেলাং ঠেদেলাং চলাচলি আ রঝর কধার থুম নেই।

    চলাবাবে ধনপুদিরে আওল্-পাওল্ দেঘি বুঝি পাচ্ছি তে রাধামনরে তগার। মাত্তর তে ধনপুদিরে লালি মাচ্যে গরি কল’

    – “লুগোনি, ইত্তুন যেদেগোই। খাক্কে ত নানু (চলা মা) এলে লরা খেবে দ! ” ধনপুদি সিয়ান কান্ ন পাদি কল’ – “আজু, এচ্চি মা’ জুমত্তুন ফিরদে এ ফুল্লো পেদেই আন্যেদে। ফুল্লো কিয়োই নহ্ চিনন্, ফুল্লো নাঙান্ কি নাঙ্? “

    ধনপুদির মন’ ভাপ্পান বুঝি পারিনে চলাবাবে নাদিন্নু লঘে চলিবাত্তে পোইলেদি সে ফুল্লো নাঙান্ কবাত্তে নহ্ চেল’। তে সে ফুল্লো নহ্ চিনেদে ধক্ গরি রল’। মাত্তর তার নাদিন ধনপুদির কানানি, নোনেয়্যা কোজহ্লি থরি ন পারি কল’-

    ”নাদিন, ইবে অহ্’লদে এক্কু ঝাক-বাঝা(সেরা) ফুল। এ ফুল্লো নাঙান্ নাকশাফুল। গাবুর’ কালত্ এ ফুল্লো যে নহ্ পাই তা জীংকানিআন আইত্ত্যে((বৃথা)। গাবুর’ লক্খে ত নানুত্তেই ধজ্যে(সাগর) পাড়র গাঝত্তুন কধক এ ফুল আনি দোংগোই। তমার কবাল্ খরাপ। তমাত্তেই কন’ গাবুচ্ছেই ফুগংতলী দ্যমুরহ্ পার হো্ই ধজ্যে পাড়র গাঝত্ ফুত্যে এ ফুল আনি দিদাক্কোই নয়। ”

    এ কধানি চলাবাবে যেক্কে কোই ফুরেল’ চাই-দে ধনপুদি আর সিয়োত্ নেই। তে সে নহ্-চিন্যে ফুলর নাঙান খবর পেনেই রাধামনরে তগা লাম্যে। সেক্কে তার চুল ঝুদোবুত গুজেয়ে এল’ নাকশাফুলর কত্থান।
    ……………………….
    Ei leghaan Double ohye , sowr golle gwm ohbw.
    Moddhye siyan baad dye poribode.

LEAVE A REPLY

Please enter your comment!
Please enter your name here