রাঙামাত্যে (চাকমা কবিতা)

0
41

রাঙামাত্যে

কজমিলিক্কো চাঙমা


মর আহ্ওজর, হোজর, পরানর রাঙামাত্যে
চিধর-রিভেঙর মুড়ো টুগুনোর এহ্ল হত্তাগান
ত ইধু এম বিলি- ত হায় ফিরিম বিলি
অহ্লে আহওজে কজমা ফুলুন ফাওনো আভায় নাজিদোন
ত বুগত লাঙ ন আন ভাজেম্বি বিলি
লাঙ্যেবি মর ঢাগত আবুজিবার আজায়
গাবুর পাগি উদুরেই উদুরেই পরের উবোলপাল আহজিলোই।
রাঙামাত্যে মর -চিগচিগ রাঙা
কধক আর পিজুম গরাগুরি দূরত থেদং
ওহ্ক সালে পিজুম ভাঙি ননেয়ে হোচপানারোই
এলাম দেতি, ঢাগেঢাগ-পিধে পিধ দি।
ত পিজুমে মুই আঙঙর চৈন মাজর রান্যে ওই
ম পিজুমে তুই আহজি জর
নাগরির হারকুজ্যে হোচপানার চোগপানিয়ে।
সালে হোজবী মর – হুত্তেরী ভুদিবো লুগি মারি
লাহ্ত পাপি ওই
মুই হুজ বাড়াং – তুই আহত্তান বাড়া।
ইধোত তুলিচ সে
মুই এজ সঙ ভাতঝরা ফুলো তুম্বাচ্চ্যান পুড়ি ন ফেলাং
চিদোল দে কাদা বিগুন তোনর গাভি দেগিলে লেত্তো পুড়িবোগি।
Ultimate nature by Nantu Chakma
অবিরাম প্রকৃতি, ছবি: নান্টু চাকমা

LEAVE A REPLY

Please enter your comment!
Please enter your name here