রাঙাঁ স্ববন্ (চাকমা কবিতা )

0
38

রাঙাঁ স্ববন্

আলোময় চাকমা

কদ’ জাদে ভঙদন্ আগাজেদি (বিমানে)।
কদ’ জাদে ভঙদন্ পাগা পধেদি।
গম্ নাঙে উজ্ রাগে,
জিদ্ নাঙে চোখ্ রাগে,
যাদন্ আধি।
ভেইয়ে ভেইয়ে কাবাকুদি!
নেই কারলোই মাদামাদি।
অ’ভালেধী চিদে মনত্ জুবি!
আমি যের্ ঘুর্ আন্ধারত্!
নিবিলির্ পধেদি!

দেজ্-জাদ্ ভাজী যার্!
মনর্ দোল্ স্ববনানি আঁঙি যার!
দোল্ দোল্ সুগো আওচ্ কুদু যার!
পরানর্ জুম্মোদা, আজি (হারিয়ে) যার!
চোঘো পানি ধারা বে,
জুম্মবী কানিযার্!
কমলে সুখ্ ফিরি এব’ এ জাগার!
আধে আধ্ গুরি এগত্তর্।
সংজয়ারে কমলে দিবং লর্।

মাধা নিউরি যের্ আমি,
বানাহ্ মুজোঙান্ রিনি চে।
দেগাদ’ যার্, কি শিঘির্,
আর্ কি কি পের্।
বেক্ জাদে পাদন্,
আমি নদ’ পের্।
আধ্ পাদি থেলে কি অব’?
বেগে মিলি এজনা —-
গম্ পধত্ ঠিয়েবার্ চেই।
সুঘো দিন্ আমাইধু এ পেব’।

আমা নিবিলির্ পধ কমলে ফুরেব’
কু-চিদে কু-ভাবনা দুর্ অব’।
সাবাক্ জাগাত্ কমলে নিগুলিবং?
মনে মনে গম্ ভাবনানি সমেব’।
গম্ চোগে চেরোপালা কমলে রিনি চেবং।
কমলে দুয়ো মিলি উড়ি বেড়েবং।
সুখ্ থেব’ আমা লগে।
দেগির্ বানাহ্ “রাঙাঁ স্ববন্”,
কালা কালা দ্বি চোগে।।।
২৪/০১/২০১৫

LEAVE A REPLY

Please enter your comment!
Please enter your name here