নুয়ো দিন্ গুজি ল’ (চাকমা কবিতা )

0
28

 নুয়ো দিন্ গুজি ল’

আলোময় চাকমা

দুগে দুগে যে দিনুন্ গেলাক্ বিদি,
সে দিনুনোর হধা ভাবী ভাবী–
এবাক্কে নুয়ো দিনুন্ ন’ গুজ্জো মাদি।

যে দিনুন্ যে দগে গেলা ফেলে,
সে দিনুন্ সে দগে য’গোই ভুলে।
যে দিনুন্ এবাক্ নুয়ো গুরি,
আজিঁ রঙে সে দিনুন্ নেজ’ ভুরি।

ইচ্চা দিন্নো যুদি আজিঁ রঙে থেবার দুয়ো,
বিদি যিয়া দুগোর্ দিনুন্ যুদি মনত্ ন’ তুলো,
এ’বার যে দিনুন্ নুয়ো গুরি এবাক্–
সে দিনুনে ফাগোনোর্ আহবালোই এবার্ সুযোক্
পেবাক্।

জীংকানি মানে নয় হানানা।
জীংকানি মানে নয় দুক্।
জীংকানি মানে নয় আজাঁনা,
জীংকানি মানে নয় সুখ্।

জীংকানি মানে শুঞ্যোঁ জাগা।
থেদ’ ন’ চায় হালি গুরি।
সেই জীংকানিরে দুগে দুগে ন’ থোনেই—
আজিঁ রঙে ধঙে নেজগোই ভুরি।।।

০২/০১/২০১৫

LEAVE A REPLY

Please enter your comment!
Please enter your name here