নাদানত্ পুরিবার পথ্ (চাকমা কবিতা )

0
54

নাদানত্ পুরিবার পথ্

আলোময় চাকমা

গুত্ বলা মুবাইল,
হধা হদে ন’ ফুদে ঈল্।
পরানে মাগে স্কীন্ টাচ্।
পর্দা ডাঙর বেদারী চিগোন্,
এক্কা ছ’বাই নয়য়ো ঠিগোন্,
তুগুত্ তুগুত্ ফুরায় চাজ্।

গান্ শুনিবা নেনা ফুদো চেবা,
যেত্তমান্ আগে শাওন্ দিবা,
ছ’বাই নেদি রেচ্।
তা আহধত্তুন্ তা আহধত্,
হিঙোরী পরিবা নাদানত্,
পাচ্ ছ’ মাজে শেজ্।

আদামে আদামে দোগান্ ঘর,
আহধ্ পুনোত্ পুজি দিবা লর।
হারা হবা নেনা, গপ্ দিবা।
পরানে মাগিলে বাগি হ’।
হধায় হধায় জোল্ বাজ’,
পহঁত্যা রাজিত্ ঘরত্ ফিরিবা।

বাগি হাদা ভরি গেলে,
বাজিবের ছ’বাই উবোয় ন’ থেলে,
ম’ হধানী ধর’।
ফুগুদি হানাদি পহর দেলে,
টেঙাঁ পয়জাঁ ফুরেলে,
বা’জি বা’জি নম্বরত্ য’।

মদ্ হেবা নেনা গাজা হেবা,
সমাজ্যা গুলোদক্ মিলিবা।
এক্কাউক্কো দল্ গর’।
নিজো দুশ্চানী ত’ গুরি,
মাঞ্যেঁরে চেবা ভ’ গুরি।
দুজোত্ পেলে ধর’।

সংসার্ অয়ে মেলাহোলা,
হধানী হবা আলাঝালা,
যুদি ফুগুদি হানাদি পহর দেগ’।
টেঙাঁ পয়জাঁ বেজ্ অলে,
বাজিবের যুদি আলজি গল্লে,
নম্বর ধুরি গব’।।।
২২/১২/২০১৪

LEAVE A REPLY

Please enter your comment!
Please enter your name here