জরা ন’ বুত্তে ভাবনানি  ( চাকমা কবিতা )

0
31

 জরা ন’ বুত্তে ভাবনানি

আলোময় চাকমা

পেদেরা-পেদোরী, ছাদারা-ঘাদারা–
ভাবনানি উদো মারে।
ছিনে সুধো মু নেই পারা,
হারলোই হিয়রে জরা বুদে ন’ পারে।

মনে অয় শারাল্যাচিল্ অঙ্,
উড়ি বেড়াঙ্ গোদা পিত্থীমি।
মিলে চাঙ্, বেক্ জাত্তোই আমা জাত্তোরে,
পরি আগি হুধু আমি।

ঘুড়ি বেড়াঙ্ পত্তি ঘরে ঘরে,
ভাক্ লঙ্ নিইয়া মানজ্যর দুখ্কানী।
ছিদিদ্যুঙ্ বেগরে চিগোন্ চিজির —
মা’হরর নাগর’ আওজ’ সুখ্কানী।

অত্তে অত্তে মনে অয় জুলি উদোঙ্!
দেবা ঝিমিলানি হানফাদা দেবা পেরাগে!
যেদক্ অন্যায় অবিচার পিত্থীমিত্,
দুলি নেজাঙ্, উজে যাঙ্ আগে আগে।

বড়্ ভুজোলে হুত্তিং হুত্তিং গুরি,
গোদা পিত্থীমি ভাজে দ্যুঙ্ সাগরত্।
নুয়ো গুরি সাজেই তুলোঙ্ পিত্থীমি,
বেক্ পরান্ বলারে ফুল’ পাগোরত্।

ন’ থেদ’ আর হোনো দুখ্,
পেলাঙ্ বে যেদ’ হুজিয়ে।
পেলে পেলে অই উধিদো মনানি,
নাগুরী চিগোন্ চিজির আজিঁয়ে।।।
২২/১২/২০১৪

LEAVE A REPLY

Please enter your comment!
Please enter your name here