চিদি আন পেলে (চাকমা কবিতা)

0
52

চিদি আন পেলে

ম্যাকলিন চাকমা 


চিন মাজারা নেই ছিন্যা লাঙেলত,
খানা নেই পিনা নেই,
এচ্চোঙ মুই সুদোমর লাড়েয়ত।
মুরো লামিনেই মুরো উধিপাঙ,
মানেয়র তালাঝে গরি যাঙ কাবিদ্যাঙ।
ছাগিন ঈরি ছাগিন আঙুধি,
নেই হন-অ তুঙ ঝিরেবার তিদেবিধে।
পিনোন কাদি,জুমোর ধারাঝে
আহ্ওঝে মিঝি যেম লাড়েয়ত
গঝি লোম বুগত লো আহ্ওঝে,
মা ভাঝ সুদোম লারেয়্ যেম
তুও চিনে ছিন্যা গঙারত।

থেধের থেধের বারিঝের গঙারত
উধি পাঙ মুরো দরি দুঙুলো হেরত।
বিজল পহদত হূচ বাবেয় পাঙ
ত’ আহঝি ঈধোত তুলি দুঘরে ধাহবাঙ্।

যেক্কে গঙেদ’ জুনহ্ পহরান
তরে দাগি যেধ’ পাঝ পরান।
রেখচিন বিঝেয় যেইক্যা পরিদুঙ ঘুমত
ফাং ফুং আবাঝে যেই পেধুঙ সেইক্যা পরান লেজাত।

তর কোচপানা ঈরি,জাদর কোচপানা বিরি
এচ্চোঙ ঈধু তুঙ,
পাঝা ন’ দিচ সাক্ষী রাগেই পাঝ-পরান।
জিংকানির শেষ বয়জত
দেগা অব’ এ্যাযাল দ্বি যাঙ আঘে
জুম লাড়েয়ত মনান নিগুচ গরি।
গঙে যার ঈধু মর সুঘ দুঘর জিংকানি,
ন’ হানিচ হামাক্কায় চিদি আন পেলে মোনবি।

LEAVE A REPLY

Please enter your comment!
Please enter your name here