“চিগোন্ ছড়া ইজা-মাজ্” (চাকমা ছড়া)

0
38

চিগোন্ ছড়া ইজা-মাজ্

অালোময় চাকমা


ওমা ওমা কাঙাঁড়া দাড়ঁ,
ইত্তুক্ ইত্তুক্ শাজ্।
চিগোন্ ছড়ান্ গধা দিলে,
বানা ইজা-মাজ্।

নামালাঙ্ মাজ’ ঝাঁক, আ—
মোঁই কাঙাঁড়া ছ’।
দাজ্যা ইজা বালোচ্ কাঙাঁড়া,
কন্যাঁ লব’ ক’।

মোন্ কাঙাঁড়া জেদ্ কাঙাঁড়া,
দাড়ানী চেলে ওমা ওমা,
চাক্ হেবা নেনা ঘিলুক্ হেবা,
পুড়িলে বাচ্ চ’না চ’না ।

পাদাত্ তলে গুদুঙ্ মাজ্,
ধত্তে ধত্তে কুন্দি যাস্।
গাদত্ চেলে ভরন্ ভরন্,
বানা উগোল্ মাজ্।

মানেক্ বেগেনা লুই ভরন্,
বেক্কুন্ পেদে ল’।
চোগোত্ ন’ পুচ্যা পাত্তোরী ইজা,
লোই ন’ পাল্লে থ’।

চুমো কেবাঙ্ দি গুদুঙ্ মাজ্,
মোন্ কাঙাঁড়া চাক্ বাদি।
দাজ্যা ইজা মোঁই কাঙাঁড়া,
গোরিবঙ্ হলা, নুন্-অহ্‌লোদ্ দি।

মানেক্ বেগেনার্ পাদা কেবাঙ্,
উগোল্ মাজর্ শিক্যা।
দেগিলে মুয়োত্ লেত্য এজে,
অহ্‌ইয়ে পরানান্ লিলিক্যা।

রিঝুম্ বাজত্ আবুজি,
মেজাঙত্ তুলি পাদা পোই,
লেত্যা হা, লেত্যি হা, বানা দ্বি জনে,
লোবিয়ত্ গোরিবংগোই।

কবরক্ ধানর্ আদাহ্ ভাত্,
কলাগাজর্ পাদা পোই।
লক্কি চিজিক্, সনার্ চিজিক্,
জুম্মবী সমত্ হেবঙগোই।।।


LEAVE A REPLY

Please enter your comment!
Please enter your name here