ফেসবুকার ইত্তুক হানা ( চাকমা ছড়া )

0
32

ফেসবুকার ইত্তুক হানা

আলোময় চাকমা


“ইত্তুক হানার আই এ পাস্,
হবার চেলে গরে লাজ্”।

এবার সমত পরীক্কা দিল’,
তিন তিন তিন বার।
হাতা কাবিয়ার লম্বর ভুলে,
এবার অল’ পার।

ইক্কে তার গপ ন’ ফুরোয়,
হন হলেজত যেব’।
GPA 1.00 সাত্তিপেত নিনে,
হন হন সাবজেক্ট পেব’।

নিত্য তার হলেজ’ হধা,
হন হলেজচান ভালা।
ঢাকা, চিটাগাংও দুরোদুরি,
এজন-যাওন জ্বালা।

ইত্তো হুদুম, মা বাবত্তুন,
অত্ত সাত্ত’ থেদ’।
ভারী ধাপ “History” লোনেই,
এক জগা চেধ’।

হবালত লাগে চোখচমা,
অনতিত্যে পেন পিনি।
মাধং ন’ মাধং ধক্কান তার,
গত্তনা পাগে চায় রিনি।

ফেসবুগোত থায় দিন থিয়া,
বোই পত্তর ত’ গুরি।
“সেলফি” তুলি আপলোড দেয়,
দিন্নো ন’ অলে এককুড়ি।

“লাইকের বিনিময়ে লাইক দেবো,
হমেনর বিনিময়ে হমেন চাই”।
দিনে-রেদে চোব্বিশ ঘন্টা,
ফ্রি fb ত একটিভ থায়।

ইদিক্যান অল’ তার স্টেটাস,
আজু, মামু অ’অ’সায়র।
ট্যাগ দিব’ যারে তারে,
হমেন মাগিবো ঝালাব্বর।

মা-বাপ উইয়োন সীধেসীধি,
হিচ্ছু উধিচ নয়ও পান।
এদুক্যা গুরি দেঘাদেঘিত,
গম পুওগুনও বরবাদ যান।


১৪/০৮/২০১৫

LEAVE A REPLY

Please enter your comment!
Please enter your name here