বিঝু এলে…… ( চাকমা ছড়া )

0
45

বিঝু এলে……

আলোময় চাকমা


ঈধঘর তিদি উধে ;
বিঝু রঙেঁ মনান্ রাঙেঁলে।
ফিরিযাং চিগোন্ কালত্ ;
রোদ্-ঝড় মোয়েঁ….
তিদির তিদির বেড়ানা!!
ছদানর একদলা পুক্ ;
নিত্য মাধাত্!!
চোগোত্ ভাজন্ সে দিনুন্ ;
হর’ হর’ মিধে মিধে।।

ছিলোনো ধোর শীলোত্ ঘুজী ;
ধারপাত্তি তুলি।
ঝুড়ি পুজ্যা করাহ্ আম্ ;
থাহর নেই কবাল’ ঘাম্ ;
ছুলি খেয়েই কাজর গুলি।।

ফুলবিঝু এলে ;
ঘুম্ নেই রেত্য অলে।
কদ’ কধা সয়সাগর ;
থাদারত্ রেত্য পহর!
কন্যাঁ আগে তুলিব’ ফুল্ ;
ফুল্ ফুল্ চুলচুল্…..
বিচ্চোনত্ পুরি থানা ;
ঘুম্ ন’ অয় গমেদালে!!!


১২/০৪/২০১৫

LEAVE A REPLY

Please enter your comment!
Please enter your name here