চিগোন্ ছড়া ইজা-মাজ্ (চাকমা ছড়া )

0
20

চিগোন্ ছড়া ইজা-মাজ্

আলোময় চাকমা 


ওমা ওমা হাঙাঁড়া দাড়ঁ,
ইত্তুক্ ইত্তুক্ শাজ্।
চিগোন্ ছড়ান্ গধা দিলে,
বানা ইজা-মাজ্।

নামালাঙ্ মাজ’ ঝাঁক, আ–
মোঁই হাঙাঁড়া ছ’।
দাজ্যা ইজা বালোচ্ হাঙাঁড়া,
হন্যাঁ লব’ হ’।

মোন্ হাঙাঁড়া জেদ্ হাঙাঁড়া,
দাড়ানী চেলে ওমা ওমা,
চাক্ হেবা নেনা ঘিলুক্ হেবা,
পুড়িলে বাচ্ চ’না চ’না ।

পাদাত্ তলে গুদুঙ্ মাজ্,
ধত্তে ধত্তে হুনদি যাস্।
গাদত্ চেলে ভরন্ ভরন্,
বানা উগোল্ মাজ্।

মানেক্ বেগেনা লুই ভরন্,
বেক্কুন্ পেদে ল’।
চোগোত্ ন’ পুচ্যা পাত্তোরী ইজা,
লোই ন’ পাল্লে থ’।

চুমো হেবাঙ্ দি গুদুঙ্ মাজ্,
মোন্ হাঙাঁড়া চাক্ বাদি।
দাজ্যা ইজা মোঁই হাঙাঁড়া,
গোরিবঙ্ হলা, নুন্-অলোদ্ দি।

মানেক্ বেগেনার্ পাদা হেবাঙ্,
উগোল্ মাজর্ শিক্যা।
দেগিলে মুয়োত্ লেত্য এজে,
অইয়ে পরানান্ লিলিক্যা।

রিঝুম্ বাজত্ আবুজি,
মেজাঙত্ তুলি পাদা পোই,
লেত্যা হা, লেত্যি হা, বানা দ্বি জনে,
লোবিয়ত্ গোরিবংগোই।

হবরক্ ধানর্ আদাহ্ ভাত্,
হলাগাজর্ পাদা পোই।
লক্কি চিজিক্, সনার্ চিজিক্,
জুম্মবী সমত্ হেবঙগোই।।।


৩১/১২/২০১৪

LEAVE A REPLY

Please enter your comment!
Please enter your name here