ফুল্ পারা ( চাকমা কবিতা )

0
26

ফুল্ পারা

আলোময় চাকমা


জাগি থেস্ নীজিরেত্,
সজাগ্ গুরি থোচ্ হানানি।
ছার পেলে লামিয়েস্ সাঙুঁ বেই,
পাড়িবংগোই কুরুগফুল্ তারা পহরত্,
হঙঁর চ্যে আগেধুরি,
মর হোচপানার পরানী।

বুক সেজর মারি মারি,
ধুপ্ ধুপ্ কুরুগফুল্ উদিচ্ গুরি,
যুনি মুই গাজত্ উদংগোই……
ধনপুদি ধক্যান্ গুরি ন’ ডরেস্,
এগামনে সারগুরি তুই বাচ্ছেস্,
আগা পাদানি আধত্ লোই।।।

যে ফুলুন্ ইয়্য ইধে ন’ অন্,
ভঙঁরায় পত্তাপত্তিয়ে মূ ন’ দ্যোন্,
সে আগ্ আগ্ ফুলুন্ দ্বি’জনে পারিবং।
হঙঁর তরে আগে ধুরি,
রাগ্ জ্বলিবে চ্যে আবাদাগুরি,
যুনি এক্ গজর ফুল্ ত’ চুল্ ঝুধোবোত্ গুজে দ্যঙ্।

জুর আগা পাদাত্ জুরজুর ফুল্,
সাজেবং নানান্ ফুল্ নানারঙেঁ,
ভাজেবংগোই আধেআধ্ ধুরিনে।
বর মাগিবং গোজেনত্তুন্,
জনম্ জনম্ এক্ থেনেই,
জিংহানি গঙিদো ভিলি মর ত’ কহরত্ পড়িনে।।।


০৮.০৪.২০১৭

LEAVE A REPLY

Please enter your comment!
Please enter your name here