কুড়ি বজর পরে (চাকমা কবিতা )

0
31

কুড়ি বজর পরে

আলোময় চাকমা


কুড়ি বজর আগে যিয়ান ইজোর এল’,
ইক্কে অয়ে উদোন্
যিয়ত্ এল’ পুজোঁক জাকঁ বুদি,
সিয়ত্ ইক্কে গোলাপ, ডালিয়া ফুল্ ফুদোন্।

সুময়েগি হাদাহাদি গুরি বেল্ পহরান্–
ফুগুদি হানা চিড়ি।
হানজাবাত্ দাবা দিনেই হদক্,
চানা ভুরোত্ রইয়েই পুরি।

ইক্কে এজে বেল্ পহরান্ হেলাঙ-হিলিঙ্,
জানালার রেলিঙ্ ধুরি।
চানা নয় অয়ে বারান্দা,
থাক্কোই খাদত্ পুরি।

কুড়ি বজর বিদি যানার পরে,
বেশ-কম হদক্ দেগির ঘরে-দোরে।
কালা শিরাত্ ধুব্ খবঙ্ বেরেই—-
বৌ-ঝিয়ে যান্ জুম্ বেড়া।
পিনোন্ পিনিদাক্ লাজান্ ইক্কে মিলায়,
হুদু দেগিবঙ্ খবঙ্র মাজারা।

মাবুয়া জনম্মুয়া দাগি ইচ্ছে বেবে,
তার ঝিয়ে ডাগে দিদি।
জীংকানির এই দুখ্কানী!
জাদত্তুন্ পেলেবঙ্ হি দি।


২০/১২/২০১৪

LEAVE A REPLY

Please enter your comment!
Please enter your name here