চম্পক নগর ( চাকমা কবিতা )

0
62

চম্পক নগর

আলোময় চাকমা


আওজর এক্কান্ নাঙ্ চম্পক নগর।
তগাঙর মুই, পহনি হবর?
আঝার বজর আগে কন’ এক্ যুগত্ ;
বাজি এল’ পিত্থীমির বুগত্।
স্বর্গরেজ্য সান্,
সে দেশ্চান্!
দবদবাহ্ থিতব্বর।

কন্ সংস্কৃতির কু-হেনত্ পুড়ি ;
লাড়েয়ত্ ন’ জিনি উবোদ্ গুরি,
ঝাবা যিয়ে বিজক্কানি।
সেনে নেইয়োআর জাদর ধক্কানি।
হুদু পুড়ি রয়ে পদ-ঘাদ্ ;
নেই নেই নেইয়ার, আগর মাত্।

ইক্কে ঈলে ঈলে বিলে বিলে,
গুঙিঁ যার দিনমাধান্।
হাক্কে তা ধক্, হাক্কে ওতা ধক্,
আরে ফেলের জাদর ফেজনান্।
নেইয়ার জাত্, মাত্, সংস্কৃতির গান্।
সেনেত্যেয় আমাইদু……
চম্পক নগর বানাহ্ এক্কান্ ফসিলর নাঙ্!!!


২১.১১.২০১৬ইং

LEAVE A REPLY

Please enter your comment!
Please enter your name here