ও চিজি… ( চাকমা কবিতা )

0
45

 

ও চিজি…

আলোময় চাকমা


(এ চিজি সে চিজি নয়…)
এজ’ দ’ আগঙ্ বাজি।
ওকনাহ্, কানি কানি আঝি আঝি।
শুঘেযিয়া চোঘোপানির মাজারা ওই।
হরাঞ্যাঁ দাদি হের’ ধক্।
সাধক্ শিব্ চরন’ ধক্যেন্ ধ্যেনত্ বুজি।
ফোরেয়্যে মনর গধা!
ভাবঙর ত’ হধা।
হুদু আগচ্ ও চিজি।

জিংহানির হারোচ্যে দিনুন্ কন্ কালে,
ভাজে দিলুঙ্ অনালে।
মালোচ্ গোল্লুঙ্ য়্যেল্ ঝাড়।
তোরবো বেড়েলুঙ্ এ মোন্, ও মোন্।
দোনাদুনি, ছড়াছুড়ি, হিলেহিলি।
ঘামে ভিজি, রোদে পুড়ি, রেদেবিলি।
দেম্ ভিলি ও চিজি,
দেঘা দ’ ন’ দিলে।
কেনে পুড়ি যেব’ এ বুক্কো?
যুনি তরে ন’ দেলে!

জুড়ি আগচ্ এ মনান্।
দেঘরনি এনে হোচপানান্।
থুয়োচ্ বুগোত্ পাত্তর বানি,
লুকদি আগচ্ কন্ ছারা মোন্ ঘরত্।
ছ’বাই কি তর ন’ উদের ঈদত্?
তত্তে ভিলি ধুগি ধুগি।
কদক্ বেড়েদুঙ্ হোচপানান্ বুগি বুগি।
যুনি এধে গপ্ দিদঙ্।
হোচপানার দজ্যেত্ ভাজিদঙ্।
উম্ উম্ নিজেসচানি মিজেদঙ্,
ধাগাধাক্যা কায় বুজি।
যাদি আয়, যাদি আয়,
ভেদা দেঘি ও চিজি।।।


০১.১১.২০১৬ইং

নভেম্বর মাজর কবিতে।

LEAVE A REPLY

Please enter your comment!
Please enter your name here