ন’ ঘুরের চরগা ( চাকমা কবিতা )

0
26

ন’ ঘুরের চরগা

আলোময় চাকমা


ঘুচ্যে সুধো পাদারত্।
মিজেল্ নুন্ বাজারত্।
কিরিঙ্ কিরিঙ্ আমিলা ঝুল্।
দেঘা যায়দি তিগিনি চুল্।

বাপ্ চোধুরী পুত্ কাত্।
সে দেজত্ ন’ মিলে ভাত্।
বাবর ন’ ফুরোয় দজ’র কাম্।
পুওবোর আমিজে, হুনদি গান্?

বাব’র লাক্ পুদে নেই।
মায় মরের আভিলেশ্ খেই!
আরগাত্তুন্ দারগাহ্!
ন’ ঘুরের চরগাহ্!


২৪.১০.২০১৬ইং

LEAVE A REPLY

Please enter your comment!
Please enter your name here