একফুদো পহন্ হোচপানা ( চাকমা কবিতা )

0
46

একফুদো পহন্ হোচপানা

আলোময় চাকমা


এক্ সাগর হোচপানা হি গোত্তুঙ্ ;
ন’ আদিলে এ চিগোন্ বুক্কোত্,
হুদু থোম্ হধে চাঙ্, সেম্বা হোচপানা?
তত্তুন্ চাঙ্ শিরোপানি ফুদো পাহ্
পহন্ একফুদো হোচপানা ; আ…..
শিরোপানি ফুদোবো রোদো ছহদগত্ জ্বলে পাহ্
তর এক্ ঝিমিত্ সোনা মুয়োর আঝানা।
.
ধনে চিগোন্, জনেও চিগোন্ মুই,
চিগোন্ এক্কান্ মর পেক্ বাজা ; আ…
সিত্তুন্ চিগোন্ মর এ মনান্।
সেনত্যে দ’ হঙঁর তরে….
চিগোন্ কানিলোই থোই পারঙ্ পাহ্ বানি ;
মাধা উজু বের’ চিবেত্, লগে সমার আমিজে
আওজো সেই তর হোচপানান্।
.
উজোলে জিনিম্, বুগিয়েও জিনঙ্ পাহ্।
হুচ্চে মুচ্চে গুরি দিবেনি চাহ্,
তর হোচপানা,নুদি নুদি এক্ ফুদো আঝানা।
মর বাজিঁবোত্ মাঝিমুম্ দেয় পারা,
সুমুরি থোম্ সে হোচপানান্,
বাঝি সুরোত্ বাজি থোক্ তর-মর হোচপানা।


২৬/০৮/২০১৬

LEAVE A REPLY

Please enter your comment!
Please enter your name here