icon

তুই এবে ভিলি ( চাকমা কবিতা )

আলোময় চাকমা

Last updated Apr 24th, 2018 icon 108

তুই এবে ভিলি

আলোময় চাকমা


ভালকদিন্ ধুরি মকতবা ওই পুড়ি আঘে পিজুম্ বাচ্ছো,
বানুন্ যিয়ন্ সজ্ ইরি।
হধা দোজ্ তুই এবে ;
সেনে মুই আওজে……
ঘিরে ছুলি, ধোই পুজি, পিজুম্ বাচ্ছো,
দিলুঙগি এইচছে নুওগুরি।
এবে ভিলি, মর হোচপানার নাগুরি।
.
সাঙুঁয়ান্ আঘে বিজোল্ ওই।
পোইদ্যাউন্, হুদু আগন্;
বেক্ যিয়ন্ ওজোরি।
হধা দোজ্ তুই এবে ;
সেনে মুই আওজে….
নুও সাঙুঁ বানেলুঙ্,
ফুল কাবি সাজেলুঙ্!
পাড়ি থুয়োঙ্ সাঙুঁয়ান্…..
হুচ্ দিনেই আগে আগে (আগুরি),
দিবেগি তুই ফাং গুরি।
এবে ভিলি মর, হোচপানার নাগুরি।
.
ইজরর হাঙাঁরা কেমানি,
চানাহ্ ভুরো বানানি,
বেক্ যিয়ন্ বান্ ইরি।
হধা দোজ্ তুই এবে ;
সেনে মুই আওজে…..
বিঞ্যেঁ পহঁত্যা চোখকুন্ ফুদি,
কাবুক্যা লুদি, বারেঙ্যাঁ লুদি।
যত্তন্ গুরি আজি, পুঝি,
হেদাকতুক্, তলচাজা বাজ্,
ঠেল্যাথক্, দিলুঙগি বেক্কানি নুওগুরি।
এবে ভিলি, মর হোচপানার নাগুরি।
.
সিধেনদি একজুর ফুগুদিহানা কাবিলুঙ্।
দেঘিবেগি, ইক্কে এ্যবল্ আন্ধার ওজোলেঙাঁন্,
হেন্ দোলে আঘে পহরগুরি!
হধা দোজ্ তুই এবে ;
সেনে মুই আওজে….
ম’ ভাঙাঁ ঘরান্ তুনিলুঙ্,
গুধি, সিংগোবা, পিজোর, চানাহ্ সাজেলুঙ্।
বানাহ্ বাচ্ছে আগঙ্,
হক্কে এবে, হক্কে এবে….
পদ’ হিত্তে আহ্ গুরি।
এবে ভিলি মর হোচপানার নাগুরি।


০৬/০৮/২০১৬

Share:
প্রসঙ্গঃ
জুমজার্নালে প্রকাশিত লেখাসমূহে তথ্যমূলক ভুল-ভ্রান্তি থেকে যেতে পারে অথবা যেকোন লেখার সাথে আপনার ভিন্নমত থাকতে পারে। আপনার মতামত এবং সঠিক তথ্য দিয়ে আপনিও লিখুন অথবা লেখা পাঠান। লেখা পাঠাতে কিংবা যেকোন ধরনের প্রয়োজনে যোগাযোগ করুন - [email protected] এই ঠিকানায়।

আরও কিছু লেখা

আলোময় চাকমা

Subscriber

Follow আলোময় চাকমা

Leave a Reply

Your email address will not be published. Required fields are marked *