এক গোদেল্ হোচপানা ( চাকমা কবিতা )

0
33

এক গোদেল্ হোচপানা

আলোময় চাকমা


ন’ জানঙ্ হোইবুলি,
দেঘে ন’ পারঙ্ বুক্কো মিলি।
এগামনে বানাহ্ গরঙর তবনা!
হোই পাত্তুং হুলি হুলি,
দেঘে পাত্তুং বুক্কো মিলি,
এ বুক্কোত্ দেঘিদে এক গোদেল্ হোচপানা!
কারে হয় চিত্ পোড়া!
বুজিদে কারে হয় জঞ্জালুক্ ভাবনা!
.
হঙত্তে হধানি তুই ন’ ধুরিস্।
যুনি আওচ্ থেলে,
এ মনর ফুল্ বারেংয়ো চেবার চেলে,
সিধেনদি ঝাপ্পান্ তুই তুলিস্।
দেঘিবে পরানি সেক্কে….
মনর আগাজত্ বার্গীপেক্কুন্ হেনে ভঙঁন্,
আ, তত্তে জমেয়্যে সাত্ দজ্যে হোচপানা,
পেলাংবার চ্য তুই জানিস্।
.
সে হোচপানান্ এচ্যে আধত্ তুলি,
হবাল’ উজু সাত্ পাগে নিজিনিজি।
হৈ-চোল্ আ এক ছক্কা পানি দিই,
ত’ মুজুঙোঁত্ গজাঙর।
আঝা আঘে গুজি লবে,
তর মনর বারেঙত্ সুমুরি থবে।
উনোনিয়্যা আঝা তইদু রাগাঙর!!!


০৮/০৭/২০১৬

LEAVE A REPLY

Please enter your comment!
Please enter your name here