হিল্ চাদিগাঙ্ ( চাকমা কবিতা )

0
31

হিল্ চাদিগাঙ্

আলোময় চাকমা


এগাচিত্তে মন্ খুলি ;
দুলূ বাজর দুলূক্ তুলি।
এগাধ্যান্, জোপ্ নেই ;
চিমচিম্যাঁ খাপ্ বানেই।
চুচ্যাং মাধালোই এক্কান্ নাঙ্ ;
চিদোত্ তুলিলুঙ্ আঙ্।
যেন্ ভুলি ন যাং ;
হিল্ চাদিগাঙ্, হিল্ চাদিগাঙ্।।।

এ বুগোত্ আগেলুঙ্ ;
ন’ বুল্যা আধে পাগেলুঙ্।
ভিন্দে, জাত্ত্বে এফুর ওফুর ;
গুরিলুঙ্ বুক্!!
ভাবনার রানজুনি রঙেঁ ;
সাজেবার সাজেলুঙ্ গঙেঁ গঙেঁ।
অলে ওক্, ন’লে নেই ;
নেই মর দুখ্।
এক্ ছবি এক্ নাঙ্ ;
হিল্ চাদিগাঙ্, হিল্ চাদিগাঙ্।।।

কি রগ্, কি লো শিরা ;
গদা কিয়ের গিরায় গিরা।
যেন্ সপ্পানত্ আধের নাল্।
সত্তা, শংখ, মাতামুহুরি ;
চিগোন্ চাগোন্ ছড়া জুড়ি।
লেলাং, ধুরুং খাল্।
গঙাঁরত্ উদোহারি, জগার পারি ;
জবে এক্কান্ নাঙ্ ;
হিল্ চাদিগাঙ্, হিল্ চাদিগাঙ্।।।


১২/০৬/২০১৫
*দুলূক্ – বাজর চিলোদির ধারপাত্তি।
২*চিমচিম্যাঁ – যদেবদে ধার।
৩*খাপ্ – বাজর ছুরি। দ্বি ধাগেদি ধারপাত্তি, মাধান্ চুচ্যাং।
৪*আঙ – অংকন চিত্র (বাংলায়) নিদিষ্ট হিজু আগানা। তাবিজ’ লেঘা।
৫*উদোহারি – পানি গঙাঁরত্ ঘুল্ উদোরে উদোনা।
৩*খাপ্ – বাজর চুচ্যাং দুলুক

LEAVE A REPLY

Please enter your comment!
Please enter your name here