হোচপানার তিরাজ্ ( চাকমা কবিতা )

0
24

হোচপানার তিরাজ্

আলোময় চাকমা


মনর আগাজত্ ন’ দেলে হালামেঘ্,
ন’ দেলে দ্বি চোঘোত্ বারিজে।
মনর অপার দজ্যা শুগেই গেল্,
হোচপানার হরানে আঙিঁযার বুক্ আহমিজে।

যুনি দেদে উড়ি এদে,
হোচপানার ঝড়ফুদো ওইনে ঝুড়িদে।
সাজিনালত্ বোইনে জুড়েদুঙ্ কিয়া,
মন্ হুজির বার্গীঝাক্কুন্ দেঘিদে।

ইক্কে দ’ তারায় ন’ ভঙন্, ন’ উড়োন্,
ঝাকঁবুদি আগাজে আগাজে।
দিদেগি ছড়ান্, ছাড়িদাক্ ঘরান্,
উড়িদাক্ আগাজত্ হুজিয়ে…
পিত্থীমি বুগোত্ হুচ্ ন’ বোজে।

সাজোঞ্যাঁ মাধান্ হালোচ্যা ওই যার,
বিজোল্ অক্তয়ান্ যার বিজিদি।
তুই নেই, নেই হোচপানা,
হোচপানার তিরাজে এ মনান্ যার হোজোদি।

হোচপানার তিরাজে ফাদিযার বুক্,
থিদোনেই মন্-পরান্।
হুজিওম্ যুনি তুই হোচপানার গঙাঁরে,
বড় ব’ ঝড়ে ভাজেই নেজাস্
মর এই মন্ ঘরান্!!!


০৩/০৫/২০১৬

LEAVE A REPLY

Please enter your comment!
Please enter your name here