পাত্তুং…… ( চাকমা কবিতা )

0
31

পাত্তুং……

আলোময় চাকমা


মানা নেই বানা নেই,
মেঘ’ সান্ ভাজি যেই,
আগাজে আগাজে।
নেই চিদে নেই ডর,
পদ্ অদ’ মর ঘর।
ভুঙিঁদুং দেজে দেজে।
.
জুনো ঘরত্ এলানদি,
তারা পহর হিয়েত্ গুলি,
গপ্ মাত্তুং জুনো লগে।
তারা লগে আঝিদুং,
আমাদি ভাচ্ পারিদুং,
গীত্ গেদুং পেগ’ ধগে।
.
বুইয়ার’ আগায় আগায়,
পিত্থীমির জাগায় জাগায়,
এ আগং এ নেই।
ফুলো লগে মধু ওই,
সনার চিজির ধাগত্ বোই,
থে পাত্তুং তা আঝিত্ মিজিনেই।
.
গাবুরি গলাত্ চিকছড়া,
চুলোত্ গুজেই ফুলছড়া,
লেবেদে থে পাত্তুং আমিজে।
গাবুজ্যে বুগোর মনোবল,
জাত্তুং বীষ ওলাঅল্!
হরানত্ লামে পাত্তুং বারিজে।।।


২০/০৫/২০১৬

LEAVE A REPLY

Please enter your comment!
Please enter your name here