হি গরর??? ( চাকমা কবিতা )

0
41

হি গরর??? 

আলোময় চাকমা


আঝিবার আঝি ল’, পাজিবার পাজি ল’।
যেক্কে তর আঝিবার পাজিবার দিন্ ফুরেব’,
নাঙ্ সেদাম্ লুগেব’….
হি জাত্ হি নাঙ্ তর,
হুদৃ থাচ্ হুদু ঘর,
কিয়য় তর নাঙ্ ন’ পেবাক্।
ঈদোত্ রাগেচ্,
সেক্কে তর আঝিয়ুন্ চোঘোপানি ওই ঝুড়িবাক্!!!

যা হিজু গরর, হাত্তে গরর!
বুগো লো ঢালি দি হিত্তে মরর!
ত’ ধক্ ফেলে কা’ন্দি ঘাজর!
ঘাজিবেদ’ ঘাজিবে ভাবী চেস্,
নাঙ্ সেদাম্ লুগেবার,
দুঘে ভর হারিবার….
দর’মরঅ গুরি থেচ!

ডেনে-বাঞেঁ দোল্ দোল্!
মন তর ওলঝোল্!
ছের নেই ভাবীবের, ইক্কে উয়োচ্ চোলচোল!
ভাবরনি হি গরর?
রাগরনি সংস্কৃতি তর-মর।
যুনি তরে হিয়ে হন্ “হচ্চর”!
…কেজান্ লাগিব’?
আঝিবার আঝি ল’, পাজিবার পাজি ল’।
আঝি-পাজি ন’ পেবে সেক্কে,
বেশ্ দেরী নেই নাগ’ নিজেস্ ফুরেদ’!!!


৩১/১২/২০১৫

LEAVE A REPLY

Please enter your comment!
Please enter your name here