এগা দারু তালিক (চাকমা কবিতা)

0
39

এগা দারু তালিক

আলোময় চাকমা

বরবাদ্ যেবার মনে হলে,
ফুগুদি হানাদি পহর্ দেলে,
টাচ্ স্কীন্ ফোন্ হিনি ল’।
ইন্টার নেদত্ সমেবা,
ফেসবুক্ আইডি হুলিবা,
ছাদাবাগুজো পোষ্ট গর’।
রেত্ বারতা বিঞ্যাঁ ছ’টা,
গ্রামীণফোনত্ ফিরি ডাটা।
এত্ত’ বড়’ সুযোগ!!
বই পত্তর ত’ গুরি,
চ্যাটিং গর’ মন্ পুরি,
টেঙাঁ-পয়জা ন’ যাদোক্।
ঘুমোমাত্তল্ যুদি থায়,
হুনদি হুনদি এক্ চুনি পায়,
সমাজ্যা মিলিনে থোগে চ’।
মনদি থোগেলে চুপ্ পেবা,
সমাজ্যা গুলোদক্ মিলিবা,
মুগেদি এজে সঙ্ হ’।
এনা বাদে গম ন’ লাগে,
হি নেই, বিড়ি আগে।
টেঙাঁ লাগিলে ফোন্ গর’।
বরবাদ্ যেবার মনে হলে,
ফুগুদি হানাদি পহর দেলে,
এ হধানী ধর’।।।

২০/১২/২০১৪

LEAVE A REPLY

Please enter your comment!
Please enter your name here