কানা হুম ( চাকমা কবিতা )

0
26

কানা হুম

আলোময় চাকমা


তবরক তবরক! নেই থিদো,
হুবোত্ অব’ আদা-ওলোদ,
হুবোত্ অব’ ঘুচ্যা-সুধো।
ভঙঙঁর মোন্-মুড়ো,
চেজাঙঁর গিরিত্তি….!!!
টেঙাঁ-পয়জা নেই উদো।

ধেজাহ্ হিয়া জীংকানি,
ন’ চিনঙ্ কান্ অক্কোর।
চল’ঙর থগা হেই,
সস্তা বেজি মংঘা কিনি।
যা পাং গুলোদক্,
হুলোদোক্ ন’ হুলোদোক্!
ন’ হাঙঁর পেদে ভাঙীঁ!!!

গুধুর গুধুর পাধাঙঁর,
হেনে হেনে চেজাঙঁর!
শহরত্ আঘে পোড়বো…
ইন্দি ভাঙাঁচাঙাঁ ঘরদোর!
আঁ পুত্! হি গরর!!!
পড়র নেনাহ্ ন’ পড়র!
নাহি কানাহুমোত্ ঢালঙঁর!!!


২৩/১২/২০১৫

LEAVE A REPLY

Please enter your comment!
Please enter your name here