এক্ আজুল্ কোচপানা (চাকমা কবিতা )

0
93

এক্ আজুল্ কোচপানা

আলোময় চাকমা

ঢ’ লোই নয়, আড়িলোই নয় ;
দ্বি আধে আজুল্ গুরি,
মর নেইয়া, নোনিয়া কোচপানা,
নেয়েরেই আজিপুঝি।
এক্ বুক্ আঝা মনত্ জুবি ;
ত’ বুগিত্ চাবি চাবি,
উভোদ্ গুরি দিলুঙ্ মাবি।।

আওজর এ কোচপানা ;
দুরোর আগাজর তারা,
আ অপার দজ্যালোই……
ন’ দিম্ তুলনা।
মর উম্ উম্ কোচপানা ;
যুনি ভাবী তে থাচ্,”কাম্মোবী”….
কোচ্ পেই চিতপুরি,
ত’ খাদি পেজত্ বানিলনা।
মর এক্ আজুল্ কোচপানা!!!

মর এই কোচপানা ;
ন’ ভাবীচ্,
নুন্যেশীলো কুয়োপানি ধক্ পহন্।
উইফুদো ধক্ গভীন্।
ন’ ভাবীচ্, এ কোচপানা ;
আক্ ডাবপানি।।।
এ কোচপানা……
তল্যেই ভিলি তেবেইয়া ;
তল্যেই ভিলি থুবিয়া ;
আলাজে মর দ্বি চোগর,
কোচপানার চোগোপানি!!!

০৮/০৫/২০১৫

LEAVE A REPLY

Please enter your comment!
Please enter your name here