ঢেব’ থেব’ (চাকমা কবিতা)

0
41

ঢেব’ থেব’

আলোময় চাকমা

লাগত্ পিয়োনি দুখ্ দরপ্ ;
তিদা নেনা চরপ্।
ঘরপাদা জাগা ছাড়ি,
ইলে ইলে, বিলে বিলে,
তবরক্ তবরক্ জীংকানি!!!
ন’ মিলে কামকরচ্,
ন’ মিলের ভাত্-পানি।।

কদক্ হেয়োং…..
কাজ্যা চোলোর রিবেঙর ছুয়াত্ ভাত্।
হুত্তুন্ কি অল’….. ।
ঢেবা পিগিরের ঝাকঁ,
উড়ি এই, জুরি বোই কাড়ি ললাক্।
সুখ্ গেল’ ভাজী…. !
হে লদন্ চাজি চাজি!!!
ইক্কে ন’ কুলোর,
পিলে তলার, পুড়ি যিয়ে,
কালা কালা চাম্ভাত্!!!

তা মূ চেই, তা মূ চেই,
গঙেঁর জীংকানি।
থোক্ ন’ থোক্ ভাত্-পানি।
যেক্কে রুয়োবাজ্ গুনিপারে,
উজুনো আমিলে ঝুলানত্।
সেক্কে ঈধোত্ উধে…… ,
… এদক্কন্ মাধারাঙাঁ উয়েভেল্ ;
ফেলে ইচ্চা ভুইয়ানত্!!!

পেঠ্ পুড়ে ভিলি,
কদক্ হে পারে মূলী মূলী।
নুন্-মুরিজোর রাহ্ নেই,
ইয়ো কি কাদের রাতকাল্।
ইক্কো বজরর বাহ্ নেই,
উধিবার বুরুজ্, বানেবাক্ চবাশাল্!
ন’ মাধি, ন’ বুলি,
যুনি অলর গুরি থেই।।।

২৩/০৪/২০১৫

LEAVE A REPLY

Please enter your comment!
Please enter your name here