ও, দেবা (চাকমা কবিতা )

0
29

ও, দেবা

আলোময় চাকমা


দাঙাঁ আগুনে জুম্ পোড়া,
দাধা কাজার আড়াকোড়া।
টাক্কানত্ হরানে….
শুঘে গেল্ চিগোন্ ছড়া।
সনাততালি পেগোসান্,
নাগর্ মাধি নানাগান্।
ভুজি কুজের জুমোত্ ধান্।

ক’বুয়া কুরের চে কুরের,
গলচোধুরীবো নাগর মাধের।
আগাজেদি মেক্ আধের।
দেবায় দিব’ ঝড়,
ও, ঝড় ফুদো….
ধান’ হুচছুন্ নাদি দে,
আমা জুমোত্ পড়।

ঘত্যা-ঘড়াত্ বীজবিজিদি,
আবর হে থেবার সজ্ ইরিদিচ্।
মাম্রা, চিন্দ্রা, সাবারাং, ফুঁজি,
ঘুচ্যা, সুধো, বেগুন্ বীজি।

ধান্ হুজো লগে দিবং সুধো,
কিজু বীজবিজিদি যুদো যুদো।
ছিত্যেই জুমানত্।
বৈজাখ্যা ধান গজা,
পুরে দিব’ মন্ আঝা।
ও, দেবা….
যুনি আনচ্ ঝড়,
আমা জুমোত্ পড়।
তিদি উধোদোক্ ধানগজা,
চিত্ ভীজোক্ মনানি।
আওচ্ পুরোক্ সপ্পানত্।।।


২২/০৪/২০১৫

LEAVE A REPLY

Please enter your comment!
Please enter your name here