দিল’ হেনা (চাকমা কবিতা )

0
34

দিল’ হেনা

আলোময় চাকমা


যুনি চিত্ পুরি থাচ্ চিগোন্ বে ;
আগে বাগে কঙর ছ্যে….।
কুইয়াঙ্ আলু মিজেয়ে পাজন্ তোন্,
জঙঁরার আক্ রুজি থোই দিবে।
চেসছ্যা…….
যুনি পাজি থাঙগি ;
বারাহ্ বারাহ্ গুরি,
লাক্ পেলে ;
বাবা-মামারে কোই দিবে।।

বিঝু অকতত্ উড়বো মন্ ;
যারে কুইয়া বিঝু ক্ষন্।
সেদিঞ্যাঁ যুনি তর মিঞাঁ-দয়াঁ,
খে ন’ পাঙ্ ;
ন’ পুরোয় মন্।
কত্তমান্ চুগুলুঙ্ হবর পাছ্ ;
যুনি মরে চিত্ পুরি থাচ্।
বিড়িদি হিরিমিরি গুরি,
তরে যুনি দুখ্ দি থাঙ্।
ক্ষেমা গুরি দিচ্ চিক্কো ;
যুনিও তুই ওই তে থাচ্ মর গুরোজন্।

ইজোরো মাধাত্ বোই থেবঙ্ ;
নানান্ দুঘোআল’ কধা গব্ দিবঙ্।
তারা জাঙাঁল্ আলেলে ;
শুক্ তারাবো উধিলে ;
তে, যা ঘরত্ তে লত্ দিবঙ্।

যুনি আনে দেবায় ঝড় ;
ন’ থায় যুনি জুনোপহর।
চানাহ্ ভুরোত্ এলানদি ;
দেবা ঝিমিলানিত্…..
ত’ মূও চেরাক্ চে থেম্ আওজে ;
চুর গুরি গুরি,
চোঘো লেজন্দি।।

কঙঁর দ’ কঙঁর চিত্তি ;
ভাঙীঁ হলে ক’ ইক্ষি।
আন্দাজে ন’ পুরেচ্ অয় লবয়।
যুনি ত’ আধে পাজন্-জঙঁরা…
খে ন’ পাংগি ; এ জীংকানিত্,
দিল’ কেনা যেদ’ নয়।।।।


০৯/০৪/২০১৫

LEAVE A REPLY

Please enter your comment!
Please enter your name here