icon

তা কধা হবাত্তে এচ্চোঙ (চাকমা কবিতা)

Jumjournal Admin

Last updated Jan 8th, 2020 icon 331

তা কধা হবাত্তে এচ্চোঙ

ম্যাকলিন চাকমা


চ্যা এই তুবোনি হলাত তুবেয়ে বেঘ-অ চান মুইও জুম কোচপাঙ।
মুরো উদি মুরো লামদে য়েল জুমর ঈক্য ধান শিঝে-এ
গেল্যা হেল্যা হোজোলি গুচ্চে,ম কবিতেত লারমার কধা হবাত্তে।
মুই এচ্যা রাজপহদত তা কধা হবাত্তে এচ্চোঙ।
কল্পনা-তুমাচিং’র এক ফুদো চোগো পানি মরে হোজোলি গুচ্চে,
ম কবিতেত লারমার কধা হবাত্তে। মুই এচ্যা তা কধা হবাত্তে এচ্চোঙ।
তুবোনি হলাত তুবেয়ে বেঘ-অ চান নাকশ ফুল মুই ভজমান কোচপাঙ।
ঈরুক জনম লোয়ে হুজি নাকশ ফুল বয়েরত আলে পুরি বয়েরর আবায় মরে হোজোলি গুচ্চে,
ম কবিতেত লারমার কধা হবাত্তে।
মুই এচ্যা তা কধা হবাত্তে এচ্চোঙ।
ভাচ কোচপেইয়্যা মৃত্তিকা চাকমার লিখ্যে “এখনো পাহাড় কাঁদে” বইবু হোজোলি গুচ্চে
ম কবিতেত লারমার কধা কবাত্তে।
মুই তা কধা হবাত্তে এচ্চোঙ।
এচ্যা এই তুবোনি হলাত বেঘ-অ চান মুইও স্ববন দেগদে কোচপাঙ,
কোচপাঙ য়েল মুরোর দিঘোল পহদর লাঙেলরে।
এচ্যা পোত্তে স্ববনত কেওক্রাডং’র য়েল মুরোবু মরে হোজোলি গুচ্চে,
ম কবিতেত লারমার কধা হবাত্তে। মুই তা কধা হবাত্তে এচ্চোঙ।

এচ্যা এই সমাবেঝত জিমনেসিয়াম-র রঙচঙ্যা নুও তম্বাউন সাক্ষী থাদোক।
সেদাম বলা নুও তম্বাউনোর মনত রাঙে যোক,
মোন মুরোত্তুন এচ্যাহ্ আওজর মানেয়র নুও স্ববন দেগিয়ে মনত চিন অয় থোক।
মুই য়েল জুমর কধা রাগেলুঙ,
মুই কল্পনা-তুমাচিং অর এক ফুদো চোগো পানির কধা রাগেলুঙ।
মুই হুঝি নাকশ ফুলর কধা রাগেলুঙ,
মৃত্তিকা চাকমার “এখনো পাহাড় কাঁদে” বইবুর কধা রাগেলুঙ।
মুই কেওক্রাডং অর কধা রাগেলুঙ।
সেনত্তেই,
মুই ঈধু আভিলেঝ্ গুরিবাত্তে ন য়েযঙ,
মুই লারমার উদিঝে লাল সালাঙ,
ভজমান কোচপানা গঝেবাত্তে এচ্চোঙ।

জুমজার্নালে প্রকাশিত লেখাসমূহে তথ্যমূলক ভুল-ভ্রান্তি থেকে যেতে পারে অথবা যেকোন লেখার সাথে আপনার ভিন্নমত থাকতে পারে। আপনার মতামত এবং সঠিক তথ্য দিয়ে আপনিও লিখুন অথবা লেখা পাঠান। লেখা পাঠাতে কিংবা যেকোন ধরনের প্রয়োজনে যোগাযোগ করুন - [email protected] এই ঠিকানায়।

আরও কিছু লেখা

Jumjournal Admin

Administrator

Follow Jumjournal Admin

Leave a Reply

Your email address will not be published. Required fields are marked *