স্ববনে (চাকমা কবিতা )

0
35

স্ববনে

আলোময় চাকমা

ভালকদিন্ তরে ন’ জবং মনত্।
আদেক্যা গুরি তরে দেলুঙ্ স্ববনত্।
যেন্ স্ববন্ ও নয় ;
জেক্ জেক্ গুরি…
ন’দি ধক্ ধাবা এই ম’ধাগত্,
বলেগি জুচ্ জুচ্ গুরি।

চেরোপালা নানা পেক্, মনা-চনা।
নানা ধগে নানা সুরে গীত্ গানা।
সে তর আল্যেঙ’ আঝি ;
পেগোর’লোই যার মিজি।

আগাশ্চানরে ধুচ্চে ধুমোপাগলে!
দুরোর মোন্-মুড়ো রাগেয়ে আন্দলে।
মাদি আবাচ্যা আ ঝিমিদত্ আগাজত্।
নারেংকুত্তি পাক্ খে যাদন্,
তরে মরে জরা বানি দিদন্,
তুই আগছ্ ম’ ধাগত্।
ভালক্ দিন্ তরে ন’ জবং মনত্,
আদেক্যা গুরি তরে দেলুঙ্ স্ববনত্।

দুরোত্ ভালোদ্দুরোত্, বানাহ্ হুয়া।
আগাশ্চান্ও ধোলোচ্যা।
তরে আরানার সে কধা!
সপ্পানত্ উধের ঈধোত্,
সেনে মর চিত্ ন’ ভুচ্যা।
আদেক্যা গুরি তরে দেলুঙ্ স্ববনত্,
কি অল’ মর ইচ্চা!!!

১৫/০২/২০১৫

LEAVE A REPLY

Please enter your comment!
Please enter your name here