icon

মন (চাকমা কবিতা)

আলোময় চাকমা

Last updated Dec 16th, 2019 icon 105

মন

আলোময় চাকমা

যেক্কেত্তুন্ ধুরি ঈধোত্ গুরি ;
মন্, তল্লোই আগঙ্ সংসমারি।
ন’ পাঙর তরে ধুরি ;
কায় গেলে যাচ্ উড়ি।
বানিলে বান্ ন’ মানজ্ ;
ইরি দিলে *কুত্ ন’ ছারজ্।
ধুরি পাং ন’ পাং মনান্ মর ;
পুষ্ কিয়া ন’ মানজ্।।।

আধ্ বাভে যারে পেভে ;
আদে-কাঝে যারে দেভে।
সুগে-দুগে নিত্য সমার ;
সমাজ্যা ভাবী আধও বাভার।
তারে দ্যুর দুরোত্ ঠিলি ;
পাত্তা ন’ দ্যুর চিগোন্ ভিলি।
ন’ বুজঙ্ মনান্ মর ;
কাদেলুঙ্ এদক্ বজর।
ভিখারি ঘরত্ রাজা কিয়া সাজর???
ও মন্, পুষ্ কিয়া ন’ মানর।
এদক্ তরে বুজে চেলুঙ্,
আ কিয়া ন’ বুজর।।।

আগাজর চান্-তারা ;
আধ্ বাভেলে পেব’ পারা।
যারে পেদে নয় আধে ধুরি ;
তাল্লে মরর হায় হায় গুরি!
কধে চাং মনান্ মর……
কাদেলুঙ্ এদক্ বজর।
যে তর নাঙ্ লধও লাজায় ;
তুই মরর তা আঝায় আঝায়।
বুজেলে ন’ মানজ্ বুজ্।
দিন্ দ’ ফুরেই গেল’ ;
কমলে বুজিবো ঊজ্!
তরে তুই কিয়া বুজে ন’ পারজ্???
এদক্ চেলুঙ্, পুষ্ কিয়া ন’ মানজ্।
“মন্” পুষ্ কিয়া ন’ মানজ্।।।

০৫/০৭/২০১৫
*কুত্ = নিজ জাগা, গিরোজ, নিজর গিরোজ।

Share:
জুমজার্নালে প্রকাশিত লেখাসমূহে তথ্যমূলক ভুল-ভ্রান্তি থেকে যেতে পারে অথবা যেকোন লেখার সাথে আপনার ভিন্নমত থাকতে পারে। আপনার মতামত এবং সঠিক তথ্য দিয়ে আপনিও লিখুন অথবা লেখা পাঠান। লেখা পাঠাতে কিংবা যেকোন ধরনের প্রয়োজনে যোগাযোগ করুন - [email protected] এই ঠিকানায়।

আরও কিছু লেখা

আলোময় চাকমা

Subscriber

Follow আলোময় চাকমা

Leave a Reply

Your email address will not be published. Required fields are marked *