জুলি ন’ উধিম্ কিত্তে ( চাকমা কবিতা )

0
38

জুলি ন’ উধিম্ কিত্তে

আলোময় চাকমা

কদক্ আর খেদুং পরাধরা!
মরাও নয় জেদাও নয়,
আধামরা!
“উল্লো লায়োরি কুলো ব’
ন’আন্ মাধাত্ দি, জুমোরান্ ব’।”
— মর বুক্ চুচ্যাং তাগল’ ঘেই!
মরে কছ্ বিদেশ্যা,…..
ইচ্চা-কিল্যা ম’জাগাত্ য়েই।
পিঠ্ আর ন’ লামিম,
হক্ তাগল্ দেগিনেই!

ইয়ানি কি কারবার,
চোগেদি ন’ দিখ্যা!
মুরিলে মুরিম্ বুক্ দি!
ন’ মুরিম্ পিঠদ্যা!
দুগে আর ন’ কারের ভর,
জুলি ন’ উধিম্ কিত্তা!!!

এ দেজর জাগা মাদি,
কদক্ আর খেবে লুদি পুদি!
মা-বোনর ইজ্জদ্ ললে,
ডদ্দর….! থত্তর… !
ঘুরি ন’ পাত্তন্ ঝাড়ে-জঙলে।

তুই অমানুচ্! তুই রেক্কস্!
তর ইনছাপ্ নেই।
মরে কছ্ খাপ্পো!
ম’ জাগাত্ ঠিয়েনেই।
ঝুল্ উয়ে মর ঘুত্যা!
জুলি ন’ উধিম্ কিত্তা!!!

০৫/০২/২০১৫

LEAVE A REPLY

Please enter your comment!
Please enter your name here