ফোন ( চাকমা কবিতা )

0
47

ফোন

আলময় চাকমা


আমিজে থং সাঙুয়ান পাদে,
তুই এবে ভিলি।
ধোই, পুঝি, চুড়ি থং চানাআন,
হক্কে এবে পাগুলী!

সাঙু চিনস? “ডাটা”উন দ্যে’চ্যা।
(ফোনর) স্কীনান তর চানাআন।
রংধং হিরিমিরি ; হি জুত,
লাঙ্যা লাঙুনীর এ মাধান।

বাজিলে ফোনানত রিংটোন,
ভাইব্রেশন অয় মনানত।
বাঝী বাঝী লোই পারে সুঘ-দুঘোর রিয়্যক্ট,
টিব দিলে অয় ফোনানত।

ন’ থেলে চার্চ দেয় গুগলত,
ব্যে ল’ স্মার্ট কীবোর্ড + ইমোজি।
হধা সমারে রিয়্যক্ট গোলিদে,
মারিদে ব্যে ব্যে যা হুজি।

ন’ থোকনাহ কারলোই চিন পরিচয়,
হুদু কার ঘর।
চাঘি চাঘি ল’, বাঝি বাঝি ল’
লাঙ্যা, লাঙুনী অভেদর!


২৪/০১/২০১৮

LEAVE A REPLY

Please enter your comment!
Please enter your name here